هل ننتفظ مرة أخرى .

[ام فيصل]

ن الشعب اذا ما استمرت الأساءه اليه في ارزاقه وسيادته على ارضه لابد ان ينتفض مرة أخرى ويعيد تاريخ ماحصل. واعتقد ان هذه المره ستكون مختلفه عن سابقتها
بعد ان عرف الشعب طريق الحريه والديمقراطيه ولو بابسط اشكالها
وسيعرف كيف يثور وكيف يسقط الحكومات التي تتغاضى عن مصالحه
(( شنو رأكم نسوي انتفاضه جديده))

عيوني ابو علي كول يالله
صحيح العراقي مايرضه بالذل بس يصبر على الحرمان
لأنه شعب اصيل
والي اريد اكوله عزيزي ان صبر هواية والله يساعدة
وصدكني كل هذا امتحان من الله لأن ساعة الفرج قريبة انشالله
والعافية مثل مايكولون بالتداريج - يعني حال الشعب الحين احسن من
حاله قبل سنه على الأقل بمسألة الأمن وهو اهم شي صار بالنسبة للعراقي
واحسن من ماكان بسنة 2003 ومابعدهه
العراقي ابو الصبر والي صبر كل ذيج السنين كادر يصبر بعد جم سنه
وآنه على يقين ان حال العراق ماراح تتخيلوه شلون يكون
عزيزي والله الكلب وياكم ولاتتصور انو مو حاسين بالمعاناة
بس خلينه نحصل الأمان ووراهه شوي شوي تتعدل الخدمات واتصور الي منجز في هذا الوقت شي جيد قياسا بالسنين السابقة والخير لجدام
ودري العراقي جزع من الصبر بس خلي يشوف الواقع الحين وقبل ويحكم
ومنريد انتفاضة خصوصا بالوقت الحاضر خلي نشوف الوضع ونقيمه
ولاحكين على الثورات الي اكلت الأخضر واليابس من البشر صارلهه
سنين
الشعب فطن على امور هواية
وكادر يغير الواقع وبسهولة -- لكن خلينه نشوف خير الحكومة من شرهه
وبعدين لكل حادث حديث
( خلي الشعب ياخذ نفس ابو علي ويرتاح شوي ويبعد عن الموت )
الي حصد شكد ارواح بريئة وخلهم يعيشون ويكبرون عيالهم ويسايرون العالم ووين وصل والعراق رجع 100 سنه قبل من وره الحروب خلي ترجع عافيتهم
لأنهم تعبوا وبعدين عود نسوي انتفاضات

عذرا لإسترسالي / وتقبل تحياتي بو علي