مثلك مالكينه ومااظن نلكه ياعراق

[أنثى شرقية]

مثلك مالكينه ومااظن نلكه
عراق وبيك هذه الروح متعلكه
شبكني العشك بمحبتك
وهنياله اليعيش ابروح متشبكه
عراق وياوطن مثلك
حمل الام وتحده المنايه
ومانكر عشكه
تحزم بالامل ماطاح
من الضيم مدطوله
اعل جرحه وجلب بعركه
الاصيل شما تعب حيله
يرد اردود وشلون الكديش
بلحكه ويسبكه
اذا انكلبت الدنيا
وما بقت كيعان بس انته
التظل ياعراقنه وتبقه
ويظل وجهك شمس تغزل
ضواهه اشعار وبنص السما
بكل حين متعلكه
ويظل صوتك ضمير
لكل الشعب مظلوم مابكدر
عليه الطاغي ويخنكه
احبك واليحب همه وعذابه
ايزيد لوطالت عليه وزادت الفركه
جرحك بالقلب ما طاب
من سنين والليالي البعد عن دجله
اتغمكه
يابحر الموده قلبي بيك ايفوج
اتوسل ابروجك بلكت ايغركه
هنياله اليموت بارضك وربحان
لان ارضك حنينه بكل وفه اتشبكه

منقول

[محمد السوداني]

الله عاشت ايدج قصيدة اكثر من رائعة

سلمت اناملك اختي العزيزة

تقبلي تحياتي وفائق تقديري

[أنثى شرقية]

تسلم لمرورك الكريم
وفقك الباري ولك اجمل تحيه

[ام فيصل]

قصيدة حب رائعة بحق الوطن العزيز
ويستاهل سيد الأوطان
كلمات جميلة
عاشت ايدج احلام
وتحياتي لك

[أنثى شرقية]

تسلمين غاليتي لمرورك
حياج والله
تحياتي الك