منتديات الفرات
الحمد لله ثم الحمد والصلاة والسلام على خير خلق الله محمد أبن عبد الله
وعلى آله وصحبه ومن وآلاه أما بعد

أخي كريم

نحن أبناء العراق نشكر لك عروبتك وأحساسك أتجاه بلدنا
بس يا أخي الكريم أعتقد أنه مصر فيها أرهاب وفيها خراب
بس أحنا الي صار عدنا عكس الي يصير عدكم ومثل ما قالت أختي الكبيرة
أم فاطمة من رحب بأمريكا وجيوشها وعلى فكرة أخي الفاضل
أنا أعرف بعض الجنود الأمريكان الي يجون يفتشون بيتنا كل أسبوع مرتين
على الأقل قسماً بالله 4 منهم سعوديين و 5 منهم مصريين والباقي عرب
يعني عربي يجي يفتش بيتي وينتهك حرمة بيتي وين العروبة عند العرب

زين انتو عندكم دمك حامي وهذا شي نشكرك عليه يعني لما يجي فلسطيني
او يجي سوري الي هو أرضة محتلة ويجي يجاهد في العراق
أخي الجهاد أحد شروطة بأتفاق من جميع المشايخ والمراجع هو غياب
الدين وأي جهاد هذا الي يقتل مسلم
أوما قرءات حديث الرسول الكريم الذي جاء فيه
لهدم الكعبة عندي أهون علية من قتل مسلم
يعني العرب يجون مع الامريكان ويجون يجاهدون ضد الامريكان يا ريت أخي الكريم
لو تفسرلي هذه الحالة ومع أحتراماتي للأخوة الي سبقوني
في الرد أنا كل يوم أجي بيه للنت لأجل المشاركة أشوف الأمرين لحين ما اوصل

أخي الفاضل أذا كان مشاركتك هذه هي بدافع تحريض العراقيين
أو لشئ ما في بالك فنحن نشكرك بالنيابة عن كل العراقين الشرفاء
داخل العراق وخارجه
ومثل ما قال اخوية بصراوي
أحنا العراق أحنا أعلم بيه ونعرف شوكت نثور
ونعرف شوكت ندافع عن نفسنا واحنا نشكرك
على موضوعك بس اخي الكريم

لما تريد تكتب موضوع مرة ثانية أرجوك أحسب عواقب الي تكتبه
لأن الكلام الي راح تكوله محسوب عليك

ولا تخاف على العراقيين أحنا كَدها وكَدود
وأحنا معروفين أهلنا اهل ثورة العشرين ثورة الفالة والمكَوار
وأهل الأنتفاضة الشعبانية

ولك في الختام هذه المقولة لسيدنا أمير المؤمنين علي أبن طالب (كرم الله وجهه الشريف)

سأصبر حتى يمل الصبر من صبري
وسأصبر حتى يأذن الرحمن في أمري
وسأصبر حتى يعلم الصبر أنني صبرت
على شيئاً أمر من الصبرِ
فأذا سألتني كيف أنت فأنني
صبورٌ على ريب الزمان صليب
حريص على أن لايرى بي كأبةٌ
فيشمت عاد أو يساء حبيب


ويا جرح العراق ضمادك أحنا

تحياتي

أبن العراق

عراقي أصيل