وين الي يدورون ابوذيات

[M!Ss 56ERA]

الك اجمل رساله ابعث وأرقها
حبرها دموعي وگلبي ورقها
يلمسبب سهر عيني وأرقها
عزيز وشوفتك صعبه عليه

اظل اكتب شعر للزين وأنشد
وأظل اسأل على الطيبين وأنشد
اصير حزام وكت الضيج وانشد
ورخص الروح للذاته وفيه

صحيح ابعيد بس گلبي شعر بيك
حزين وباقي بس يكتب شعر بيك
عجيبه شلون ظل اسود شعر بيك
وانه بفرگاك ماظل شعر بيه

بفراگك جمر ابچي ونيران
يل الوجهك يشع رحمه ونيران
تمنيت العراق انته وانه ايران
وحدودك دوم فاتحهن عليه

حرت مدري شجبر ششد شدهن
چثيرات وعليه الوكت شدهن
يخي بيدك جروح الگلب شدهن
وطيب كل جرح ياصاح بيه

مثل ظل النخل فوگاك ظليت
وعن دربك ابد مايوم ظليت
انه بدونك رسم عالگاع ظليت
حبيب الروح بس باوع عليه

سگاني الدهر من فرگاك بس مر
وشهد ماشفت من دنياي بس مر
رمش عيني افرشه بساط وك بس مر
وحق الله ترد الروح من تسأل عليه

[محمد السوداني]

مبدعة دائما اخت خطيرة ماشاء الله عليج منورة المنتدى كله
هذه الابوذيات مخصوصة الج تقبليها مني

افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه

اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه


مودــــــــــــــــــــــــــــــــــتي

[محتاره]

بفراگك جمر ابچي ونيران
يل الوجهك يشع رحمه ونيران
تمنيت العراق انته وانه ايران
وحدودك دوم فاتحهن عليه

الله ..بصراحه روووووعه

عاشتـ ايدكـ دومك متميزه بأختياراتكــ

مودتيــ

[عراقي الى الابد]

عاااااااااااااااااااااااشت ايدج اختي العزيزه الخطيره

صدك خطيره حتى بالابوذيات ههههههههههه

مشكوره اختي العزيزه للابوذيات الرائعه

تحياتي

[عاشق عيونك]

بفراگك جمر ابچي ونيران
يل الوجهك يشع رحمه ونيران
تمنيت العراق انته وانه ايران
وحدودك دوم فاتحهن عليه



حرت مدري شجبر ششد شدهن
چثيرات وعليه الوكت شدهن
يخي بيدك جروح الگلب شدهن
وطيب كل جرح ياصاح بيه

الله
اليوم منورة خطيره تسلمين ع البوذيات الرهيبة
تحياتي

[هاشم نجم]

باقه منوعه من الابوذيات الروعه
عاشت ايدج وتقبلي مروري

[M!Ss 56ERA]

شكرا لمروركــم جميعا

خجلتوني بردودكم الروعه

منوريين حبايبي ... تحياتي الكم

[ملكة الاحساس]

ابوذيات روعة عاشت ايدج حبيبتي خطيرة