دارميات تخليك تنسه الدنيا

[M!Ss 56ERA]

الكلب بجفاك فاض من العيون
مو حب طبيعي اهواك بيك انه مجنون

انهجم بيته الليل هالطوله بجفاك
وبطول أظفري يصير من أكعد وياك

نایم وافکر بیک من اگعد اکثر
بحبک صرت معتاد بس الله یستر

گلب النسه الخوان سکراب ابیعه
لن چلمه النسیان چلمه شنیعة

لو حبي بيك اندار صدك يسلك
تدريني احبك موت ماحاجة اكلك

مو روحي بيه تعيش كمت انه اشك بيك
ومرات احاچي الروح حسبالي احاچيك

تسأل عليك الروح يالعذبتها
كلي شيريد يصير لوخابرتها

بكلبي ماناسيك وبفكري كل ساع
وروحي اذا تنساك اركعها بل كاع

صابر اظل للموت بس كون اشوفك
تدري انت كلش زين مابية اعوفك

صرت إنت وبدنياي صرت إنت كلشي
والدنيا وبلياك ما تسوى كلشي

روحي بتوالي الليل تنشدني عنك
كتلهه راح انساه كالتلي فنك

صايم اظل يهواي ما دامك بعيد
يوم الاشوفك بيه ذاك الوكت عيد

ماهمني الكصاب العلك اجلاي
همني الصديج الكال اوزنلي من هاي

كلمن يكول انساك اكله مجنون
شلون الدرب ينشاف من غير العيون

كتلك تفضل فوت كل قصدي للبيت
بس انت دفرت الباب و لكلبي طبيت

بالكلب شبت نار طفيها يهواي
بالوصل تطفة بساع ماتطفة بالماي

اتمنى تعجبكم

خالص تحياتي

[ام فيصل]

ماشالله عليج عزيزتي خطيرة
تذوق مميز واختيار موفق منك
لاحرمنا هذا العطاء دوما دارميات رائعة

وتحياتي لك

[الشاعر ماجد الدعمي]

حقيقه صدك اختيار رائع وعاشت ايدك
على حسن الاختيار

[M!Ss 56ERA]

أسعدني مروركــم و ردودكم الحلووة

منوريين

[ابن الوسط]

تسلمين اختي العزيزه
حقيقي ابداع وخطير
كلمات رائعه
تقبلي مروري

[M!Ss 56ERA]

شكراً لمروركـ اخي العزيز

منور

كون الكلب ينشال وبصدري أخليك
وكضي العمر وياك كل دكه أحس بيك

الف شكر لك حبيبي

[محمد السوداني]

روحي بتوالي الليل تنشدني عنك
كتلهه راح انساه كالتلي فنك

الله الف الف شكر يلغالية مبدعة دائما
المزيد لاتبخلي علينا يا رائعة
لكي ودي وتقديري