دخيــــــــــــــــلك

[محتاره]

جنيت اهواي انت بعشرتي اذنوب..ولا مرّه اشتكيت الحال منك
واعدّيهن وأكًلك تصفى الكًلوب...ولا بالظَهر مرّه حجيت عنك
تِكلمني بكلام ايعذب الحال ...وابررها بجهل وبزغر سنك
انا مليت منك تغلط وياي...ولا مرّه ذنوبك حاسبنك
بعت عِشرتك كًوّه ووجهي اندار...بس بداخلي اتمنيت احضنك
اجيتك دمعي يجري وذني العيون...عساهن بالعمى ما وادعنك
ومن سألوني عنك رغم الجروح...قَسم احلى الكلام احجيت عنك
الناقلّك حجي ما ناصح وياك...ولا خايف من الله الهمس بذنك
تلكًاني يمحبوبي بالاحضان...وعني الوجه الاسمر لاتديره
بدونك اني طير وجنحي مكسور...وبدونك فرحة العاذل جبيره
وتره عيونك بدوني تفارك الشوف...وبدوني تعيش كل عمرك بحيره
تلكًاني حبيبي وخذني بيديك...ولا تسمع حجي البايع ضميره
بعد مابيه حيل ازعل اني وياك...دخيلك هاي زعلتنه الاخيره

وتقبلوا مني كل الحب والاحترام


منق ــووول

سلمت يداكِ يامحتاره المبدعه

نقل جميل هذه القصيده للشاعر عادل محسن

وكلماته جميله جدا

تقبلي مروري

[محبة اسد العراق]

مشكووووورة على النقل

وموضوع مميز

تقبلي مروري

[الشاعر ماجد الدعمي]

مبدعه انتي محتاره
وجميل ما تنثرينه هنا
لك مني كل الود
وتحياتي

[ام فيصل]

شكرا عزيزتي محتارة
وسلمت يداك على هذا الإختيار الجميل
دام لنا هذا التذوق والإنتقاء

ونحياتي لك

[سمير الكرماني]

نقل حلو يا اختي
وختيار جميل

[رنا العراقية]

تلكًاني حبيبي وخذني بيديك...ولا تسمع حجي البايع ضميره
بعد مابيه حيل ازعل اني وياك...دخيلك هاي زعلتنه الاخيرة


تحياتي الج يا غالية وانشالله متكونين محتارة

[سلام الدراجي]

بدونك اني طير وجنحي مكسور...وبدونك فرحة العاذل جبيره؟
الجواب
وما اريد افترض لا سامح الله بليل
مكسور الجناح وجيتني بسهري
على الثور المجنح انه امشي بسيف
وگطعلك اجناحه واحمله بظهري
وجيك وحامل انه اهموم من الروح
وقدملك نذر شتريد من عمري
الاخت محتار تحيه لكي قصيده جميله
وهذه الابيات من قصيدتي التي سوف انشرها على المنتدى مع تحياتي