((تحشيش)) ليش الاعضاء ميكتبون مواضيع جديدة؟؟؟ ....هع هع هع
طبعاً بما انه لاشغل ولا عمل(حديقه) كَلنه خلي اننزل موضوع جديد ..... اعوفكم ويه الموضوع (بس لاحد يزعل) هع هع هع
..........................................
تدرون ليش الاعضاء ما ينزلون موضوع بالمنتدى لان اني وحدة من الاعضاء الي تتعب بموضوع و اتطول بكتابته ساعتين او اكثر ومرات انام على الكيبورد وثاني يوم اكمل الموضوع واخر شي يجي واحد بكل برود وبساطة ورقة وحنية ويرد على الموضوع بشكرا بس.... اويلي الله اني هذا لو الزمه الا ابوسه من خده
ومرة من المرات سويت موضوع ابو الاربع ساعات وتالي اخر شي فات واحد بعد اكثر حنية ورقة واحاسيس جان يكول هلو اشلونكم حبيت اسلم عليكم اني هنا ما اكوولكم راسن وجهي صار ازرك وعيوني حمر والدمارات طكن بوجهي بس همزين بقيت عايشة ............
خلي ناخذ فاصل ونرجع
((يا طيور الطايرة ردي لهلي يا شمسنا الدايرة روحي لهلي))
عدنا
ومرة من المرات نزلت موضوع يضحك جان يفوت واحد كتب بالرد مالته ((هه)) وهاهية بذاك الوكت راسن وكعت بالكاع وكمت اضرب راسي بالحايط واحسب للمية وارتاح وارجع اضرب راسي مية مرةبس همزين بعدني عايشة هو لو مطول الضحكة مسويها (هههههههههههه) جان اقتنعت ههههههههههه
فاصل لاخ
((يدا بيد لا سلاح باليد العراق يختار الحياة ))
عدنا
ومرة من المرات نزلت موضوع ابو 6 ساعات كله نكات وضحك تالي ماتلي واحد يكلي اخي الرابط معطوب اني بذاك الوكت انجلطت وودوني للمستشفى بس همزين جلطة خفيفة وبعدني عايشة بس الدكتور كلي قللي من المواضيع
فاصل لاخ
((اشتروا موبايل طابوكة بسعر الجملة بعدين يحجي الموبايل يكول فنلندي وافتخر واذا صرت صيني انتحر ))
عدنا
ومرة نزلت موضوع ابو الساعتين جان يفوتلي واحد كلي اختي البرنامج مضروب لحد يحمله اويلي شصار بيه بذاك الوكت راسن توقف بالمعدة مع نزول ماء العين وتمزق عضلة البايسبس اليمنى واصابة عضلة الترايسبس مع تشنج في عضلة البطن بس بعدني عايشة
فاصل لاخ
((مع تايد للغسيل مفيش مستحيل ))
((كرست 7 في واحد ينظف يزيل الكلس ويزيل ما ادري شنو المهم منظف هو))
عدنا
((و هسة نجي عالمشرفين... لحد يزعل))
مرة نزلت موضوع جان ورة ساعتين اتثبت وورة ساعة انمسح كلت يا الله هذا يمكن باكوه وراح ينطوني فلوس عليه من رحت سالت المشرف ما اريد اجيب اسماء بس هو يعرف نفسه اكيد كلتله ليش كلي وبكل برود مال واحد ولا يمه وهمس باذني جان يكلي صيانة المنتدى هية الي مسحته اني راسن قلبي وكف لمدة 5 دقايق وشالوني بسدية للمستشفى
فاصل لاخ
((اكول ترى اني ما اروح للانتخابات لان صوتي ما ياثر لا ام حسين انتي لازم تروحين.... اوكف ابو حسين شوف هذا الجاهل شكد حلو (هو الجاهل سنونه مكسرة ومنتهي) جان يكول الجاهل اني اريد مستقبلي (تفو لابوك لابو مستقبلك ))
عدنا
ومرة مشاركاتي صارن 600 وورة ساعتين رجعن 4 من سالت ليش واحد من المشرفين كلي وبكل برود ورقة وحساسيةعيوني لا تضوجين المهم شفتج مو المهم مساهماتج هو شلون شافني ما ادري المهم خلفله على غير ناس كدروا يرجعوها (ما اريد اجيب اسماء ) هذا شلون بسمار اويلي
يابا فاصل لاخ
((انهم يريدون ان يدمروا العراق انهم لصوص فلنقتلهم ونتخلص منهم المفسدون ليس لهم في العراق قاعدة))
عدنا
(والله بزعتنا الدعايات)
ومرة موضوع نزلته وهم اتثبت ووراها انمسح من سالت ليش المشرف (حفظه الله ورعاه) كلي وبكل ادب ورقة ومشاعر وهواجس وبعد هذا ما ادري شيسمونه كلي حبيبتي هذا مو اني مسحته لان هذا القسم عليه 4 مشرفين فاحتمال واحد منهم بالغلط مسحه (زلت لسان خطية) يعني كاعد يكولي حبيبتي انتي موضوعج ضاع بين القبائل هذا بسمار كونكريت ترى حسي عاد هههههههههههههههه
يابا عدكم شي فاصل لاخ
((اشتري اسيا لان صوتك مسموع (يابا نشتري ليش ما نشتري))
عدنا يابا عدنا
يابا فاصل جلبتوا مو اكو خطأ بالشبكة هع هع
((صلصة صلصة التونسا صلصة صلصة التونسا ترهم وية الوجبات هية هاي الصلصة ))
عدنا
يابا تردون فاصل لو هاهية لا هاهية خلي نختم الموضوع
طبعا هذا الموضوع راح اهدي اهداء خاص لمشرفين منتدى الفرات هع هع هع واهني ابن جوارينه عالزواج و اهدي لامي و ابوية و اخوية
واحب اسلم على خالتي برة وخالي برة وعمتي هم برة (كلهم برة بس اني بالبيت خخخخ)
واحب اشكر محمد سعد لان مثل فلم بوحة واكوله حرامات مشفت فلمك الجديد كتكوت بس ان شاء الله ينعرض واشوفه وان شاء الله يرجع امان العراق واشوف حاحا وتفاحة مع احترامي لفلم جاكي شان
وشباب * بنات اودعكم وداع مال 3 ايام لان راح انضرب باند الا اضل الوب من وراه الاعلان مالتي اريد الردود للموضوع زين احبائي يلا باي
لا لا لا اوكفوا اتذكرت بيت شعر
((يا ناس دمعي نشف وما ضل دمع بالعين وفراك حبهم صعب شك الكلب نصين ))
تردون بوذية هم هاكم هاية
يحلوا الاطباع واصلني وقارب .............انا بلياك بلا هل وقارب ............سفينة ردتك بالبحر وقارب........تشيل الحمل من يثكل عليه
فد دارمي صغير
كافي حبيب الروح كافي بواري اسست كل بغداد مي ومجاري
وهذ اجا ببالي لطلاب السادس
ارح ركابك من اين ومن عثر كفاك جيلان محمول على خطر
كفاك موحش درب رحت تقطعه كان مغبره ليل بلا سحر
ويا اخا الطير في ورد وفي صدر في كل يوم له عش على شجر
واذا تردون شرح الابيات هم موجودة بس لا اكيد هاي عليكم لان واجب انطيتها ذاك الاسبوع....
رجااااااااءا لحد يزعل مجرد تحشيش و تسلية
هع هع هع
وين الردوووووووود
ترة تعبت بالموضوعهع هع
تحياااااااتيي للجمييع
منق ــوول (بقلم صديقتي)
رد مع اقتباس
رد: ((تحشيش)) ليش الاعضاء ميكتبون مواضيع جديدة؟؟؟ ....هع هع هع
المشاركة الأصلية كتبت بواسطة اسدالعراقي
.gif "66 (46)")
.gif "66 (8)")
