قصيده \ مگلوب الزمن

[سلام الدراجي]

مگلوب الزمن

أريد اكتب شعر وارد احچي بالمكشوف

عن هذا الزمن مگلوب مقياسه

أهل غيره وشرف كنه نشوف العيب

وهسه العيب يخجل من فعل ناسه

وكبل كل العرب ترفع چبير ألگوم

وچبير ألگوم هسه الفاقد إحساسه

لان بيته انترس كله من الدولار

وهو الجان عاري ومعلن إفلاسه

حسا فه ألصار بينه من غزو الرعيان

وابن حافي القدم بيته أنرفع ساسه

وشريف القوم دمعه أعله البلد مسكوب

أوضيع القوم رافع بيگه والكاسه

عجبة الناس شلون أتغيرت فد نوب

مگلوب الزمن من ساسه الراسه

شلون أيصير أبو خميس صريع الجوع

والثعلب يصيد وميه حراسه ؟؟

وشلون أيصير راعي يأمن بسرحان

والذيب النذل أتقوده علا سه ؟؟

وگلي شلون أنقارن كليب الطاح

ابجساس الغدر أبرمحه وبفأسه

لون يظهر مهلهل ابو ليلى جديد

ما يبقى الزبد لا يبقى جسا سه

ولا ننسى الصكر حر ويصيد بزود

والغربان تأكل چيفه اخساسه

ولا ننسى أهلنه قبل بضع اسنين

كل واحد يعرف اشكثر مقياسه

وان انه أغلطت طه نبينه اشگال

إذا حافي الغنم أتطال البنيان

على الدنيا السور اقروه بسلاسة

أشما علت أغيوم وچلچلت على الناس

لابد يوم تظهر شمس وناسه

سلام الدراجي

[ام فيصل]

الله يالروماني
صح لسانك والله وصف صريح لواقع موجود للأسف
ومااتصور راح يبقه الحال مثل ماهو -- والعراق محروس بعون الله وبزود الشرفاء
ويسلم لنه هذا الإحساس الصادق والروح العالية يبو حيدر

وتحياتي لك

[الشاعر ماجد الدعمي]

اخي الكريم
لوحه رائعه كل ما يزينها
هي تتحدث عن ما يدور هنا
احسنت اخي ودمت بخير

[هاشم نجم]

الله الله يازير على القصيده الرائعه
والاحساس الجميل
ان شاء الله يتغير الوضع بوجود الناس الخيره
والشرفاء الموجودين
تحياتي لك يا مبدع

[سلام الدراجي]

ام فيصل العزيزه يااميره المنتدى ياصاحبه الردود الجميله الف الف شكر لردك الرائع اختي العزيزه حقيقتا له طعم خاص لكل الاعضاء بارك الله بك ودمتي اختا عزيزه كريمه لجميع الاعضاء

[رنا العراقية]

أشما علت أغيوم وچلچلت على الناس


لابد يوم تظهر شمس وناسه


انشالله تنزاح تطلع شمس

مشكور يا غالي

[سلام الدراجي]

الاخ ماجد العزيز شكرا اخي لردك الرائع ودمت لي اخا عزيزا

[سلام الدراجي]

حبيبي هاشم زدك هو الاروع والاجمل مع ودي واحترامي لكم