تعالوا نتعرف على ضيف كرسي الاعتراف العزيزة سومة

[warda]

مشكوره على الاجوبه عزيزتي سومه
جاوبتي كلش زين
و اتشرفنى بمعرمتج
اتمنى لكِ كل التوفيق و النجاح

دمتي بخير

[Bint Belady]

نورتي كرسي الاعتراف أختي العزيزه سومه..
وجزيل الشكر لكِ على صراحتكِ الجميلة والروحكِ الطيبه بالرد..
ونحن سعداء بتعرف على اخت غاليه..
واتمنى من الله ان يحقق لكِ جميع امنياتك
لكِ ارق تحياتي
بنـ بنت بلادي ـوته

[سومه]

baghdadvoice
warda
بنت بلادي

تسلمون على مروركم منورين
تحياتي لكم

[الحالمه]

ياهلا والله بالغالية سومه , منورة كرسي الاعتراف
وتشرفنا بمعرفتج من جديد ...


للاسف شفت الموضوع متأخر
بس همزين لحقت عالاخير .

اسئلتي الج كما يلي ..


من تقلدين من المراجع ؟
أكلتك المفضلة ؟
منو عندج على الـ msn من اعضاء منتدى الفرات؟
موقف محرج صار وياج ؟
متى تنزل دموع سومه ؟
من هم برأيك الذين يستحقون العطاء لابعد الحدود غير الوالدين ؟
ماهو أقرب موضوع لنفسك , انتي طرحتيه ؟
من اكثر الاعضاء دمه خفيف ؟
شعار تتخذيه في حياتك ؟


واخيرا لكِ تحياتي

[zryan]

هلو سومه منوره كرسي اعتراف..عندي كم اسئله... يجوز مضحكه بس مارددت امر من غير اسئله

1. كم اخوه وخوات انتو؟
2. عايشه بالشقه ولا بلفيلا؟؟
3. ياغنيه كاظم احلى اغنيه عندج؟؟
4. تمارسين الرياضه ولا لأ؟ اذا اي الرياضه؟؟
5. تشجعين فريق كرة قدم؟ اي فريق ؟؟
6. احلى كتاب قاريته انتي؟؟

ماذا يعنيلك
الصديق؟
الانترنيت؟
الام والاب ؟
الاخوه؟
الحريه؟

انشاءلله ماطولنا عليج ..لكي تحياتي

[عراقي أصيل]

السلام عليكم ورحمة الله وبركاته
أتشرف بمعرفتج أخت سومة وأنا
لي في خاطري كم سؤال أرجوا الأجابة عليها


ماهو رأيك بالوضع الحالي بالعراق ..؟؟؟


هل تحبين أن ينتقدك أحد ...؟


هل تحبين الصراحة ..؟؟


ماذا تقولين لأنسان سبب لكِ الألم في يوماً ما ..؟؟


هل تحبين الشعر بنوعيه ولماذا ...؟؟؟

ماهو رأيك بالبكاء وهل بكيتِ يوماً لأجل ماذا ولماذا ..؟؟


ما هو رأيك بالعلاقات العاطفية والغرامية التي تحدث على الأنترنت ...؟؟؟


وشكراً لكِ أختي الغالية أرجوا أنه ما أكون قد أطلت الحديث

تحياتي

عراقي أصيل

[سومه]

ماهو رأيك بالوضع الحالي بالعراق ..؟؟؟
كوولش مو زين ناس كل يوم تموت من غير ذنب




هل تحبين أن ينتقدك أحد ...؟
اي احب لما يكون النقد بناء

هل تحبين الصراحة ..؟؟



اكيد اكو واحد ميحب الصراحه لما نكون صريحين نعيش مرتاحين احسن من الدجل والنفاق




ماذا تقولين لأنسان سبب لكِ الألم في يوماً ما ..؟؟


الله يسامحهم




هل تحبين الشعر بنوعيه ولماذا ...؟؟؟


احب الشعر العراقي الشعبي وليش ؟؟ لاان قريب على القلب ومن بيئتنه واحسه اكثر واقعه



ماهو رأيك بالبكاء وهل بكيتِ يوماً لأجل ماذا ولماذا ..؟؟

البكاء مفيد يعني اذا الواحد يبقي كلشي بقلبه ينفجر ويموت وبالنسبه اليه دائما ابجي على الوضع بالعراق لاان كوولش يكسر القلب والله

ما هو رأيك بالعلاقات العاطفية والغرامية التي تحدث على الأنترنت ...؟؟؟
اني مااشوف اكو فرق بين النت والواقع يعني وين منروح احنه جاي نحجي ويا بشر قابل مخلوقات فضائيه اكو انس مزودتها شويه ومسوين النت شيطان بالعكس الكومبيوتر جهاز احنه نتحكم بيه واذا الصدفه جمعت ثنين عن طريق النت وبطريقة محترمه يعني مو من مواقع مشبوه مااتصور بيها شي يعني النت حاله حال التعارف بالتلفون والكليه والشارع السوق وكلشي بحدود والنية السليمه اهم شي لاان اذا نيتنه سليمه ومو قصدنه ناذي الناس ونلعب بمشاعرهم رب العالمين يوفقنه




انشاءالله تكون الاجوبه كافيه ولو هسه انت بمكاني بكرسي الاعترافبس شفت اسئلتك وجاوبت عليهن اعتذر اذا تاخرت

[mjaduo]

حياج الله اختي ياسمين نورتي كرسي الاعتراف باجاباتك الجميلة وانشاء الله موفقة في مسيرتج
اما عن الاسئلة فالاخوة مقصرو وسالوج اسئلة الي تمنيت اعرفها
تحياتي الج سومة العزيزة