اعتنيلك لو غبت و اوصل .....عتاباك
يرتاح الكلب من يسمع ...عتاباك
ولك كافي لا تعت بيه و.....اعت باك
تعال وياي لا تبعد عليه
*************
احبك اوعليك ايزيد.... وناي
لحن صوتك شبيه العود...وناي
صرت ما ميز المطبوخ ..وناي
لان انشده من ماتمر بيه
***************
عليك الروح هامت ...منته خلها
تريد تروح عدمن ...منته خلها
نخت العاذل اخلافك... منته خلها
لان يفرح من تشح انته عليه
*************
غزاني الشيب يسمر ...من دلالك
انا معرفت زعلك... من دلالك
تتوه شبيك خايب... من ادلك
لو هذي قسمتي دلتكبيه
*****************
يعجبني اعرف احوالك ...ومرباك
اعتنيلك لو غبت عني ...ومرباك
سؤالك صعب يا صاحب ...ومربك
لان معناه ما موفيالخويه
*************
يصح عدنه الصحيح وغيره... ما صاح
نده بسمه الگلب ولغيره ...ماصاح
ادور عل صديق الوفي ...ماصاح
لان بس انته الوفي يفلان اليه
تحياتي
مصطفى العراقي