ابوذيات رووووووووووعة

مجموعة من الابوذيات


الزمن وياي مايخلص حديثه
طعني وشوف طعناته حديثه
اريد انشد اهل راوه وحديثه
واشوفهم زماني شعمل بيه




يدهري ليش باحزانك تواليت
وعلي مثل الاغم وليه تواليت
كبل تسريحتي جانت تواليت
وهسه اكرع ولا شعرايه بيه





عليك القيت حجة والقيامة
يا ما براسك احجي والقيامة
تدري الحشر يمتة والقيامة
القيامة والحشر من تزعل عليه





سيف الدهر خلاني بلادين
وابعدني عن اهلي بلادين
صبحت مطلوب للعالم بلادين
وحتى الردي يهز يده علية


يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه




صرت دم المشه بداخل وريدك...
ومثل متريد مشيني وريدك...
فراكك حيل مرمرني وريدك...
على جروحي تدوس بلا خطيه




حبيب الروح عني البال ماظال
دربة بعمري ابد فد يوم ماظال
اريد ابجي ودمع بالعين ماظال
بجيت عيوني من غصبا عليه






مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه


سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه



عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه



عليك الدمع يجري تكول شلال
عكبك يالجنت لجروحي شلال
اذا رايد تجيني لسوك شلال
بشارع عدن بس اسال عليه


الناس الي تدور كلها.. دوري
مثل دوري النخبه ماكو دوري
كالو لشمس عالوطن ....دوري
ونوري دروب ذول اهل الحميه



وحشه الدنيه ما تسوه بلاياك
واحبك حتى لو كثرن بلاياك
شلون الدومنه العبها بلايك
وانه الدوشيش ميت بين اديه






ان شاء الله تنال اعجابكم

[ام فيصل]

احسنت عزيزتي

ابوذيات رائعة واختيار جميل

شكرا لك وننتظر جديدك -- تحياتي وودي

[مزاجية]

يعطيكي الف عافيه

ابوذياات روعه

ننتظر جديدك

دمت بوود

[الشاعر ماجد الدعمي]

شكرا اختي محتاره على هذه الباقه الجميله من الابوذيات دمتي بخير

[داود]

على جرح الهوى صابر




ماأحد يدري عن أسراري





مضيت أيام وأنا ناظر




وأثاري قلبج مو داري



ياليتج ماوعدتيني




ولاقلتي أنا أحبك



أنت لو تدرين فيني




وبغرامي مازعلتي



ليتج مرة تعذريني




واشحلاتج لي عذرتي ما ابي غيرج (( بديلة ))




أنتِ في الدنيا مرادي

وأنتِ دوا روحي العليلة




ياأمل عمري وفؤادي






ياأنت عراقي دوري أسم ابوهه بالدليل




أو توسط لي عند أهل السنترال




رقمهم سري وعلى مثلي مستحيل




وعذاب القلب من سيد الجمال






من سبايبها ترى قلبي عليل




ساهرا جفني على طول الليال



عينها حوراء ولها مبسم جميل




بالحلى والنور تسحر والدلال

خدها ياضي كما برقا بليل




والحواجب جنها خط الهلال



انت عراقي تاه عقلي والدليل




حيرتني وصفها مثل الغزال

[داود]

من يوم الي عرفتك وانت طبعك الخيانه ... خاين انت وابد متحب باحساس ويانه
طبع بيك انت ربيت على اذيه ....تلعب على الناس وتلعب عليه
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه


الي سلملك قلبه شلون تكدر تخونه ... وتنسى الوفه وياه وما توكف وتعونه
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه

خنت العهد والطيب وضيعتني وياك ...ادعي الله يجيك بيوم حبيب وهو ينساك
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه

الخيانه مزروعه بيك وما تكدر تعوفك ... مثل ظلام الليل واحد ما يكدر يشوفك
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه

شلون تكدر تخون الي فداك بروحه وخليت القلب ويه الروح يتقاسم جروحه
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه

يا خاين العشره بيدك القلب جحرته .... وماكو غيرك بدنيا خاين هو انته
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه

ما عندك وفه ولا طيب .... تخون بساع وتبيع الحبيب
خاين انت وانة الجنت بحبك عميانه
من يوم الي عرفتك وانت طبعك الخيانه ... خاين انت وابد متحب باحساس ويانه

خاين وانة الجنت وياك بحبك عميانه



من يوم الي عرفتك وانت طبعك الخيانه

[احمد الزبيدي]

شكرا على البوذيات الجميله