هم اصدك يابغداد ارجع وترجعيلي

[angle]

هم اصدك يا بغداد ارجـــع اوتـــرجــعيلـــــــي

واخلي راسي علـى رجليج وبالــيل تلوليلــــــي

واصدك اشم قداحج وانا ازهــــوا وتزهيلـي

يا ريت نرجع سوة مثل كــــبل تهوسيلـــــــي

بركصة الجوبي يايمـــــة كل يوم تدبجيلـــــي

اشلون انسة المسكوف بابونؤاس تسكفيلـــي

ويا نـــبعة الريحـــانة اسمـــعج تغنــيلـــــــي

اني واهــل الصوبيـــن انغنيليــج واتغنيلــي

ويمج دجلة الصافي انا اغسلج وتغسليلــي

عجب يرجع ذاك الزمن وشلهج وتشلهينــــي

وشم ترابج الطيب اصلي عليه وتباركينــــــي

يا بغــداد الله عليــج حركتي كلبي ديكوليلـــي

يعني ايصير احلم فد يوم ارجع او ترجعــيلـي

من اوصل لبغداد جم اعلوج تضحيلـــي

يروحــون فدوة الــج ادعيلــج وتدعيلــــــــي

************

واللة ابجي من فركتج حتى عمتلي اعيونــــي

كوليلي وانة بغربتي مـنيكدر يداوينـي

محـــــــد ايداريني ابد ماكو غيرج يداريــــــني

ولا يعرف قدري بشر انت وحـــدج تقدرينــي

ولا احد يصلــي علـيه غــيرج اكو يصليلـــــي

اريد اموتن انا برضج او بترابج تدفنيـــــــــني

بترابــــــج تدفنينــــي

بترابـــــج تدفنيــــــتني

هم اصــدك يا بغـــــــداد ارجــع وترجعيلي

شكرا على هذه القصيدة وقمت بنقل القصيده الى القسم المناسب

مع تحياتي

[angle]

شكرا على مرورك اخي وتحياتي لك

[ام فيصل]

مشكورة عزيزتي ملاك
قصيدة شجن وألم من الغربة والبعد
اعادك الله قريبا كما كل غريب الى اهله ووطنه سالما انشاء الله
وتقبلي تحياتي

[هاشم نجم]

قصيده رائعه
مملوءه بالحنين الى بغداد وايامها
الحلوة القديمه
ان شاء الله ترجع بفضل الناس الخيره
تحياتي لكي يا مبدعه

[angle]

شكرا لك اخي الكريم على مرورك الرائع ....تحياتي لك

[angle]

شكرا لك اختي أم فيصل وان شاء الله كلنا نرجع لأحضان بغدادنا الجميلة ..تحياتي لك

[الشاعر ماجد الدعمي]

شكرا اختنا الكريمه وان شاء الله بغداد كبيره بكم وكبيرين بها /تحياتي