مو ذاك الاعرفك انت

مو ذاك الاعرفك انت من سنين

اطباعك علية هواي مختلفة


مدغيرة الملامح بيك والاشواك

وجياتك احس مابيها اي لهفة


جنت تجرح كبل يومين عندي يطيب

هسة الجرح منك ابد مايشفة


وجنت توكف كبل والعين تحجي العين

هسة شبيها عينك شو صفت صلفة


كبل حجيك ذهب والناس تمدح بيك

ومن تحجي عسل تتناثر الشفة


هسة اختلف حجيك كلة ذم واعتاب

وبكلمن يودك كمت تتشفة


على جتافي حملتك سرت بيك دروب

وبنار العشك جمدوب اتحفة


مو تدري انة احبك وانت بية الروح

اسهرلك ليالي وعيني ماتغفة


شسولف من عذابك بية صار سنين

ونار البية منك ابد ما تطفة


شمسح من ذنوبك وانت شو كل يوم

تجرح بالكلب وادكلي ما اشفة


طك صبري وخلص والدمع شح العين

وهم البلكلب ماضن بعد يخفة



من عندك نهوني صحبتي واخوان

كالولي صحبتك بالهوى سعفة


وكالولي اتركة ماية خابط طين

لتضن بمحبتك يركد ويصفة


كدامك بحر مكشوف بس من فوك

لو تنذر عمر ماتكدر اتعرفة


كدامك بحر مكشوف بس من فوك

والجوة البحر ماتكدر اتعرفة


عاندت ومشيت وكلت رحلة شوك

حطيت البلم وامواجك تحرفة

حطيت البلم وامواجك تحرفة



صرت كلي لحياتك منهج اني

وحرف بكتاب كلبك من هجاني

شجنيت انة بمحبتك منها جاني

اسهام وكل وكت تمطر علية


مع تحياتي

[ام فيصل]

مبدع يالزير
احسنت -- ودام لنا هذا المداد الذي يفيض روعة
عاشت ايدك على هذه القصيدة
وتحياتي لك

[^.{{المحـــاميـــــة}}.^]

قصيدة رائعة
شكرا لك اخي
تقبل مروري

الله الله الله على الكلمات الرووووووووووووووووووووووووووووووووووووووعة
عاشت ايدك على هذة الموضوع

[الشاعر ماجد الدعمي]

حبيبي الزير شكرا للكلام الحلو مبدع دائما
لك تحياتي

[هاشم نجم]

احسنت يازير على هذا الشعر الروعه
ودام لنا هذا الابداع
تحياتي لك