بيبان كلبي

[سلام الدراجي]

ادك بيبان كلبي
وتاني ينفك باب
وياباب الادكهه مطوكه بسكته
نشدت الباب عن حالي
وعن الناس
وعن حلمي اليتيم الما اجه وضكته
وسرت تتراكض بروحي
هموم هواي
وبعد عني العزيز بساعة الردته
ووكع للكاع كلبي وانحنيت عليه
ومن ثكل الهموم البيه ما شلته !
صحت بالناس عينوني
اعله كلبي الطاح !
شلون انعين ؟؟
وانت اول جدم دسته !!
وانت اول جدم دسته !!
والله والنعم منك ماجد يارائع قصيده جميله بارك الله بك اخي العزيز

[ام فيصل]

نشدت الباب عن حالي
وعن الناس
وعن حلمي اليتيم الما اجه وضكته
وسرت تتراكض بروحي
هموم هواي
وبعد عني العزيز بساعة الردته
ووكع للكاع كلبي وانحنيت عليه
ومن ثكل الهموم البيه ما شلته !

ياصــاحب القلـم الرائع - والإحساس الرائع
قصيدة تحتضر علها تجد في طريق الموت السعادة
عزف جميل -- بلحن حزين
دمت لنا منهلا نــرتوي منه دوما
تحيتي وودي لك ياماجد

[هاشم نجم]

الله يساعد كلبك اشكد شايل اهموم
اتعلم مثل اخوك واتحمل
ههههههه
تحياتي لك يا مبدع