˚ஐ˚◦الاخ الغالي والمتميز(الحر)♥ ضيفنا على كرسي الاعتراف ◦˚ஐ˚◦ ‏(

[الحــر]

هلا وميه هلا بالعزيز الغالي الحر

وكل الهلا بيك حبيبي الغالي
// حيدر القريشي //


نورت الكرسي ان شاء الله تكون مرتاح وبمكان الحطب راح اجيبلك صوبه
علاء الدين بس ما بيها نفط النفط عليك ههههههههههه

رحم الله والديك ادري بيك ما تقصر بس كون صوبتك ما تدخن وتعمينه هههههه



نبدي بالاسئله والا اخلص الشحن مالتك هههههه

هلا بيك وبجيتك واسئلتك يالطيب وكل الشحن فدوه الك بس وصينه على الكهرباء من يمك هههه



طبع الاسئله كلش هواي بس اجاباتهن قصيره (مقصوده حتى اتعبك )هههههه

اخوية صدك جذب اصلاً تعبك راحة
هههههه


السؤال الاول شنو سالفه الشحن ؟؟؟

ايييي ياخوية شسولفلك تريد اجرها نعاوي وياك يعني ههههه
الكهرباء معذبتني وانا مو دائماً متفرغ على النت
اشتريت لاب توب قبل لاسر وكلها وما فيد ويه الكهرباء صراحة





لماذا انت صامت دائما وكل تحركاتكك في المنتدى بهدوء تام ؟

ههههههه
والله هذا طبعي مو تصنع مني او شيء اخر
اكون خفيف ضل دائماً
بس الصراحة انا صحيح صامت وهادي
بس واضح جدا وصريح
وكل شيء يصدر مني يعبر عني قلباً ولساناً




ماهي هواياتك ؟

ما محصورة بشيء محدد صراحة
ولكن عندي حب وشغف في اختراع الاشياء والبحث عنها





اين تسكن؟يجوز اسويلي جيه ههههههه

ههههههههه شنو اسويلي جية ما فهمتها ؟
اسكن في وطني وحبيبي العراق
واعيش بين احضان معشوقتيكربلاء الحسين ع حالياً





شن شعورك بعد ما كعدت على الكرسي ؟

حسيت بدفئ قلوبكم الطيبة تحيط بي




شكد تكعد على النت ؟

صراحة أهواي ماكو وقت محدد





اني حنطيك صفات وانت تكلي بنظرك يا عضو يحمل هاي الصفة ؟

بس مقدما منريد اي زعل من اي عضو ...ههههههه اتفضل اغاتي

والله حبيبي جدا جدا انحرج من هالاسئلة
لان ما تقدر تعدل بين كل الاعضاء وتخونك ذاكرتك في تحديدهم
فارجوا منك حبيبي ان تعذرني عن الاجابة عليها

عضو مرح؟
حباب ؟
حلو ؟

حموضة ؟ هههه كمت امطك تدري

كاعد من الصبح لليل على النت ؟
حشاش ؟
هـل انت :
طمـــوح ؟
متسامــح؟
عصبـي؟
متفائــل؟
اجتماعــي؟




شنو يعني لك كل من:

الغروب؟
رغم عشقي له لكني عنده رؤيته يعتصرني الالم بدون شعور


البحــر؟
كم اتمنى ان اطلق لخيالي العنان ليبحر في مداه الواسع


المـطــر؟
يثير مشاعري




من تحس بالوحدة شتسوي؟
اطلق لخيالي العنان




شوكت تحس بالسعادة؟
لما اكون محاط بمن احب




شكد نسبة الهزل (اقصد المزاح ) , والجديات بشخصيتـك؟
اتصور انها متساوية بل اتمنى




رأيـك بوضـع العراق الحالي؟
رأيي لا يختلف عن رأي كل حر شريف وغيور
نتمى له كل خير




رأيـك بالجيل اللي هسه ديطلع؟
تريد الصدك الله يستر منه
والله يحفظهم ويهديهم جميعاً




وهاي اسئله اخويه حلوه و خفيفه الك يغالي .....
يالله يعني هاي نحسبها كرزات وحلويات هههه



مواليدك ومحل الولادة؟
1981 ومحل الولادة بغداد منطقة زيونة بالتحديد
بس الاصل من ذي قار




شنو نغمة موبايلك ؟
نغمت النوكيا صراحة




جم مرة مبدل موبايلك ؟
بس اثنين اول واحد سامسونج
والثاني الملك وهو الاصيل صار له اكثر من ثلاث سنوات لهسة عندي لا تحسدونة
هههههه




اوصفلي شعورك من تنطفي الكهرباء ؟

.. بدون تعليق ..!!




يا ساعة تكعد الصبح ؟
اكثر الاوقات من الفجر





فد اكله تحبها بس لا تكول تمن وفاصوليا رحمة لوالديك

والله انته مثلي اموت على التمن والفاصولية كلش ههههه
بس شوف اكولك عندي الدولمة كنت قبل اذا يريدوني ومحتاجيني بالبيت
يدزولي يتصلون ترى مسوين دولمة تعااال ههههههه
يدرون بيه اجي مغمض




متى تغضــب؟؟
عندما ارى الظلم والاستهتار بلا رادع




شخص لا ترفض له طلب؟؟
لايوجد احد الا الله تعالى




هي اكره صفه تنبذها؟؟
العناد والكذب
والتنكر للحقيقة الواضحة





اعظم شيء فقدته ؟؟
لا يوجد والحمد لله




واعظم جرح دفنته؟؟
الغدر




اسوا خبر سمعته؟؟
أهواي ما شاء الله ...
شنو تذكر منها




ماذا يمثل لك الموت؟؟
نعمة تذكرنا اننا دوما على رحيل



وبس يغالي هذا الي عندي وافكر ارجعلك هههههه

صدك خلصت يا خوية يعني منا منا ما عندك بعد كم سؤال ههههههههه

هلا بيك متى ما جيت والله



تقبل مني خالص الود والتقدير مع احترامي لشخصكم الكريم

ودمتم بحفظ الباري

لك خالص شكري واعتزازي وتقديري وفخري بشخصك يالطيب

والله يحفظك ويرعاك من كل شر