صاحوا يا حسين

[هاشم نجم]

خير أصحاب ذوله أصحاب أبو السجاد
صاحوا يا حسين ورفضوا الذله
موقع للصداره بدرب الاستشهاد
وبس درب الفداء أصحابك تندله
أصحاب الامام العاهدوا للموت
شدوا على الكلوب حتى تتعله
صاحوا ياحسين التريده إيصير
يرخصلك عمرنا وفدوه إلك كله
حبيب يظل حبيبك حد توالي الروح
والحر الرياحي حتى دربك إندله
صرخ الضمير تعالى صوته يصيح
هذا إبن الرساله الصادق المله
عابس وبرير وزهير وياهم وجون
فداءك يا حسين إشلون عنك نتخله
النصراني وهب واهب حياته اليوم
أشرب كاس حنظل وأبلع السله
لابس ثوب عشك لا خارج على الدين
وبحكم الطغاة إمبينه الخله
لا للذله ندري بصيحتك يحسين
توكف للطغاة وسيفك إتسله
إتركلك أثر تتناقل الاجيال
وقصتك قصه للاجيال إطبعهه
لتبايع يزيد وزمرة الشيطان
وخطوات الحسين بأثاره إتبعهه
ولو روحك توانت ساورها الخوف
سل سيفك عليها وكوه إطلعهه
ليش على الوساده تنازع الموت
عاين للشمس حدرك تباوعهه
يشيلك زود حيدر وزود حسين
وهامة الفخر لفوك إبكل فخر إرفعهه
يلدمك حبر وسيفك قلم تاريخ
خط مجد البطوله بسيفك إطبعهه
قصة عابس إقره لو زهير وجون
لو قصة الحسين الظلت أروعهه
لو ما هاي المذله التاكل الهامات
ياجمر الهوه والعين دمعهه
كاسات المنايا إشربها حتى تعيش
كاسات المذله العار يكرعهه


للشاعر المبدع الحسيني
حسين اللامي

[ابو علي الصكر]

لك التوفيق متمنيا من الله ذلك...
والله انت مبدع يا هاشم حتى في نقلك اطال الله بعمرك وجعل هذا العمل
في ميزان اعمالك...
تقبل مني كل الحب
صكر

[هاشم نجم]

حبيبي ابو علي الصكر المحترم
ادامك الله اخا وصديقا وعزيزا
الكتابه عن الحسين واهل بيته واصحابه في مصيبة عاشوراءهذا وكتها
على الاقل نستلهم منها العبر والدروس لانهم مدرسه
للبشريه عامه وكل مانكتب عنهم قليل جدا بحقهم
مشكور جدا لدعواتك الرائعه وعظم الله اجورنا واجوركم
بمصيبة اهل البيت عليهم السلام
تقبل تحياتي

[ام فيصل]

صح لسانك ولسان شاعرنه المبدع

يعطيك العافية عزيزي

والف شكر لك --

السلام على الحسن - وعلى علي ابن الحسين -- وعلى اولاد الحسين -- وعلى اصحاب

الحسين

[هاشم نجم]

ولسانك اختي ام فيصل
شكرا على المرور والرد
عظم الله اجركي وتقبلي تحياتي

[سلام الدراجي]

تحياتي الك هاشم قصيده اكثر من رائعه وتسلم على النقل المميز

[هاشم نجم]

شكرا لمرور ك العطر اخوي
الزير روماني
تقبل تحياتي