قصيدة بعنوان اشوفك وين

اشوفك وين؟ حبيبي اتوسلك واطلبها منك دين
اشوفك وين؟ يالساعة افراكك جنهة عشر اسنين
اشوفك وين؟ عين الما تشوفك عمية هاي العين
وعين الما بجتلك شلي بيها العين
وابوسك وين؟ لو مره اني اشوفك كلي ابوسك وين
عالخدين... ماظن تطفة ناري ابوسة الخدين
ابوس العين... لا يالعين صدكـ انتهي لو صرنة عين بعين
واشمك وين... شعرك لو ركبتك لو من الجفنين
لو من الشفايف لو من الرمشين
لايازين ترة اطباع المفارك مو اطباع الزين
تذكر بالهوى شكد جنة متصافين؟
ما اذكر حبيبي بلحظة انتة بعيد
انت اقرب الي من رمش العين
مايشبهك احد بالعشك والله
اني اوياكبالحب نختلف ياحلو عالباقين
اني وياك مو انسان يهوى انسان
اني وياك واحد منقسم نصين
لو جبنة الحلاوة انتة اجمل الحلوين
ولو جبنة الوفة انتة اغلى الموافين
لا ياعين لتبطلين دمعج مو خسارة يروح عالحلوين... عالغالين
روحي اليوم تخلص حدها هذا اليوم
اخاف انتهي وتندم ياحلو بعدين
اشوفك وين؟



تحياتي.......
يـــوســف الــــيـــــوســـــف
yousif_alyousif2220@yahoo.com

[حيدر القريشي]

قصيده في غايه الروعه يغالي
شكرا الك اخويه العزيز يوسف
وننتظر المزيد من التالق
وتقبل مني خالص الود والتقدير
وتقبل تحياتي

[ام فيصل]

اشوفك وين؟ حبيبي اتوسلك واطلبها منك دين
اشوفك وين؟ يالساعة افراكك جنهة عشر اسنين
اشوفك وين؟ عين الما تشوفك عمية هاي العين
وعين الما بجتلك شلي بيها العين


مرحبا بك عزيزي يوسف بيننا

بداية رائعة وموفقة

قصيدة حب جدا جميلة وكلماتها على بساطتها زادتها روعة

احييك على صدق هذه الأحاسيس عزيزي

ولاحرمنا من عطاءك

لك تحيـــــــــــــاتي

[هاشم نجم]

ابوس العين... لا يالعين صدكـ انتهي لو صرنة عين بعين
واشمك وين... شعرك لو ركبتك لو من الجفنين
لو من الشفايف لو من الرمشين
لايازين ترة اطباع المفارك مو اطباع الزين
تذكر بالهوى شكد جنة متصافين؟
ما اذكر حبيبي بلحظة انتة بعيد
انت اقرب الي من رمش العين
مايشبهك احد بالعشك والله
اني اوياكبالحب نختلف ياحلو عالباقين
-----
عزيزي يوسف اليوسف مرحبا بك
قصيده حب رائعه
ننتظر المزيد
تقبل مروري وتحياتي لك