؟؟؟؟؟؟؟؟

صدك تحجين لو تشاقين ليش متعرفين داشاقة وياج لو اريد اطردج؟؟؟
اشو تنصحين بالناس وانتي تسوين العكس وتزعلين
واني من كلت هيج مو قصدي احرجج او شي بس هذه احكام
حتى لو كتبتي بس الاسماء
اذا تريدين تسويها رسميات بحكم العمر .... بس الكبر مو بالعمر بالعقل ...
اني هم مااريد احد يشاقة وياية واكلب الدنيـــا وازعل اذا احد اشاقة ..
وجودنا بهذا القسم من المنتدى للترفيه مو للزعل
واقري ردج علية بلعبة اسجن عضو وطلع العضو الثاني
وبعدين تحجين هذا الحجي
واني الي بعد ماادخل للمسابقات اصلاً
اظاهر وجودي دتضايقين منه اختي في الله ام فيصل

بعدين اني اعتب على احزان وعلى ابتهال اكوللهم اختاروا كلمات بعناية
مو كرهاً بيهم بالعكس معزة لان مثل خواتي وصار الموضوع كدامج
انتي الي هي امهم اتردين هذا الرد
ومال تقرر انو لو انفذ الحكم لو اطلع من المسابقات فهذا ماتوقعته ولاتوقعت تنطق كلمة ( اتفضلي طلعي )

اول شي المسابقات او المنتدى مو مال والدي علمود احكم عليج
ثاني شي انتي الي جبتي الموضوع بضحك وكلتي بدل اليومين اسبوع ماادخل المسابقات
واشوفك شلون تجي تعتذر مني علمود ارجع
ثالثاً تعرفين انه من كلت هذه المكلمة عن طيب قلب وصفاء نية ؟؟؟
وانتي اكثر وحدة بالمنتدى تعرفين مهند شنو ..

بس ابي اكولك شي -- اللعبة الي حطيتهه اغلبية الاعضاء وقع الحكم عليهم وبكل انواعه

بس ارجع وشوف محد نفــَّذ الحكم ولا نفــذوا عليه الحكم بس كان مجرد كلمات على الصفحة للترفيه فقط لاغير

انتي تسألين واتجاوبين نفسج
اشو تحجين حجي مو منطقي اني لازم السيف على رقبتج الا تنفذين الحكم
لو احجاية حبيبت العراقي الي اثرت عليج واتردين هذا الرد ؟؟؟؟

راجعي نفسج يمة احنا اكبر من هيج شي
واذا على الحكم يلعن ابو الحكم هسة راح احذفه وميكون خاطرج الاطيب
واتركلج مو بس المسابقات لا اتركلج المنتدى كله
لان اظاهر لساني طويل وممتربي واخلاقي مو حلوة
فحرام انجس هذا المكان

اشوفكم بخير يلغالين واعتذر على كل من سببتله احراج
او ضايقته بشي ويحرم علية المنتدى ليوم الدين
واعتبره هذا اخر يوم بمنتديات الفرات لان مليت وكرهت حتى المنتدى
حبي عموري انتظر الرد على رسالتي علمود رقم تلفونك الجديد اوكي قلبي
واسف يمة اذا اتجاوزت حدودي واتشرفت معرفتج


اشوفكم بخير
مع السلامة