.:اســـــــد العـــــــــــــراقي ضيفنا على كرسي الاعتراف :(شكرا للاخ اسد العراقي )

[عراقي الى الابد]

اخوية الغالي مصطفى الورد
حبيبي بالعكس شلون احجي عليك اكو واحد يحجي على اخوه
بس حبي لو محدد الاسئلة يعني كل عضو 20 سؤال مو اكثر
حتى يصير مجال للاخوة الباقين يسالون
حبي كلش مرتاح على الكرسي واني حاضر لاي سؤال يخطر ببال اخواني الاعضاء
اكلك حبي الجاي ضروري بس اني خلصت جكاير وما اكدر اترك الكرسي
خو ما تصير زحمة اذا اتجيبلي تكه بس على حسابي
والدولمة اتوصة بيهة اريده شوية حامضة لان احب الاحموضة بالدولمة
واكيد من ايدك راح يطلع طعمهة يخبل
وتحياتي الك حبي مصطفى

والله ردت احدد بس هذه القوانين مثبته بموضوع بمنتدى كرسي الاعتراف وكلت اكيد راح يقروه قبل ميسألون

بس للاسف مقروا القوانين

الجاي بالطريق
بس التكه مال جكاير شتريده يانوعيه مكتلي

وبخصوص الدولمه تدلل بس اكثرلك السلك لو البصل وراح ااخليلك اضلوع لو متحبه بيه ضلوع ههههههه اذا متريد اضلوع ماكو مشكله اخليلك باكله هههههههه

تحياتي الك ياورد

[اسدالعراقي]

شكرا عزيزي مصطفى الجاي وصل رحمة الله على والديك
اشلون جاي مهيل يخبل بس الجكاير ماكتلك النوع نوعهة بن ابيض
حبي اني داسوي زحمة عليك
نرجع لحبيبة قلبي الدولمة حبي شعندك خلي بيهة ضلوع باقلاء هههههه
الي يجي من ايدك خير وبركه ومايرد الكريم الا البخيل
وانت ابو النفس الطيبة اكيد راح تطلع دولمة تخبل
لان الضلوع راح تكثر الدهن بالدولمة وشلونهة من تلزم الدولماية
ويسيل الدهن على ايدك ههههههههه هسة الجماعة يكولون دمرتنة
بالوصف واخوية حيدر هسة بس يقرا الموضوع حتى لو متعشي راح يجوع ههههههه
وتحياتي حبي الغالي مصطفى
على الردود المميزة

[مهند البكري]

منور عمري انت ابو شهد
واسد العراقي بالمنتدى
واسودي بالمسابقات منور حبيبي الغالي والكرسي يهلهل اليوم لان
بضيافتك واسف على تأخيري بس تعرف البارحة يلا انرفع الحظر عني
الي عرفناه على اسد العراقي ابو شهد الوردة تواجده المتميز والنشاط الفضيع
يارب لا تحرمنا من تواجده وابداعه المتميز دائماً
حبيبي الغالي مراح اطول عليك لان ابو كرار الورد خلص الاسئلة ههههههههه

يالله نبدي بالاسئلة :

شي ندمت عليهـ ..........؟


2) من قدوتكـ بالحياه ..............؟


3 ) من العضو اللي فراقه صعب ........؟


4 ) منو العضو اللي فراقه عيد ............؟

5 ) لو كانت السلطه بيدك يوم وااااااحد بس وش بتسوي
اذا كنت مدير عام بالمنتدى واذا كنت رئيس وزراء ..........؟

6) ماهي أكلتك المفضله الي تحبها بالعشى مو الدولمة ..........؟

2)كم مشاركة كمعدل تارك بيها بالمنتدى ............ ؟

3) كم سنه صارلك في النت ............. ؟

4) احلى قسم عندك بعد الاقسام الرياضية ......... ؟

5) أهم شئ في حياتك ...... ؟

6) أقرب شخص لك في البيت .......... ؟

7) مـا أكثر المواضيع الـتي تجذبك للمشاركه فيهــا .....؟

8) مـا اصعب موقفـ مــر عليك ..؟ وكيفـ كـان تصرفك فيــه ..؟

9) من هـو قدوتك بالحيــاه .... ؟

10) ومن هـو ظلك الـذي لا يفــارقك .....؟؟


11) مرت عليك لحظه تمنيت أن يعــود المـاضي فيهـا ......؟

12) أشـرح لي كيف كـانت هذه اللحظه ....؟

13) ومـا كـان سببهــا .....؟

14)ماهو رأيكـ (( باقسام الفرات )) بكل صدق وماالنقص المتواجد وفي اي قسم .....؟

15) هذا السؤال ملغي لان تعبت من كتابة الاسئلة
اسف حبيبي الغالي على اطالتي ومنور كرسي الاعتراف



لك تقديري واحترامي

[اسدالعراقي]

الاسئلة كتبت من الاخ العزيز مهند البكري الورد

منور عمري انت ابو شهد

واسد العراقي بالمنتدى
واسودي بالمسابقات منور حبيبي الغالي والكرسي يهلهل اليوم لان
بضيافتك واسف على تأخيري بس تعرف البارحة يلا انرفع الحظر عني
الي عرفناه على اسد العراقي ابو شهد الوردة تواجده المتميز والنشاط الفضيع
يارب لا تحرمنا من تواجده وابداعه المتميز دائماً
حبيبي الغالي مراح اطول عليك لان ابو كرار الورد خلص الاسئلة ههههههههه
اخوية الغالي مهند هذا نورك وكلك ذوق على الكلمات الرائعة
يالله نبدي بالاسئلة :
اني حاضر وتدلل
شي ندمت عليهـ ..........؟
في بداية حياتي الدراسيةيعني بعد السادس العلمي غيرت مسيرة حياتي بتغير دراستي

2) من قدوتكـ بالحياه ..............؟
ابي رحمه الله

3 ) من العضو اللي فراقه صعب ........؟
كل عضو مميز يحترم ويقدر الاخرين بقدر احترامه لنفسه

4 ) منو العضو اللي فراقه عيد ............؟
ماكو
5 ) لو كانت السلطه بيدك يوم وااااااحد بس وش بتسوي
اذا كنت مدير عام بالمنتدى واذا كنت رئيس وزراء ..........؟
اذا كنت مدير عام الغي الاشراف على الاقسام
ويكون المشرفين مسؤلين عن جميع الاقسام
اما رئيس الوزراء لاسامح الله هواي شغلات اسويهة
لخدمة الشعب العراقي الحبيب
6) ماهي أكلتك المفضله الي تحبها بالعشى مو الدولمة ..........؟
مو الدولمة يعني بالعشاء احب الطماطة والبيض خلط وتقلاء بالدهن او الباقلاء يعني ثريد باقلاء
2)كم مشاركة كمعدل تارك بيها بالمنتدى ............ ؟
مو سوة حسب الوقت بس هية مابين 50-100
3) كم سنه صارلك في النت ............. ؟
ثلاثة سنوات و8 اشهر
4) احلى قسم عندك بعد الاقسام الرياضية ......... ؟
المنتديات العامة والصور
5) أهم شئ في حياتك ...... ؟
بناتي
6) أقرب شخص لك في البيت .......... ؟
بنتي الصغيرة
7) مـا أكثر المواضيع الـتي تجذبك للمشاركه فيهــا .....؟
المواضيع المميزة في اي قسم الي استفاد من العلومات التي تحتويها
8) مـا اصعب موقفـ مــر عليك ..؟ وكيفـ كـان تصرفك فيــه ..؟
التهجير الطائفي الي حصل اليه التصرف هو فوضت امري الى الله ودعوت الله ان يصلح المسلمين وان يعودو الى الله سبحانه وتعالى
9) من هـو قدوتك بالحيــاه .... ؟
اسف مكرر
10) ومن هـو ظلك الـذي لا يفــارقك .....؟؟
احزاني

11) مرت عليك لحظه تمنيت أن يعــود المـاضي فيهـا ......؟
فقدان انسان عزيز على قلبي
12) أشـرح لي كيف كـانت هذه اللحظه ....؟
لحظة مرارتها لاتوصف حيث خطف الموت والقتل الطائفي اخي العزيز
13) ومـا كـان سببهــا .....؟
الاحداث في العراق الجريح والقتل على الهوية مع الاسف هذا ما يحدث في عراق الحضارات والقيم والمباديء السامية لاحولة ولا قوة الا بالله
14)ماهو رأيكـ (( باقسام الفرات )) بكل صدق وماالنقص المتواجد وفي اي قسم .....؟
الفرات من المنتديات المميزة وتقريبا فيه جميع الاقسام وفي تطور مستمر والحمد لله طبعا بجهود الادارة المميزة
15) هذا السؤال ملغي لان تعبت من كتابة الاسئلة
اسف حبيبي الغالي على اطالتي ومنور كرسي الاعتراف
الله يساعدك لعد اني شكول
لك تقديري واحترامي
شكرا اخوية الغالي على الاسئلة
وانشاء الله وفقت في الاجابة
وتحياتي الك وللجميع
وكل عام والجميع بخير

[مهند البكري]

اكيــــــــــــــــد وفقت بالاجابة تسلميلي عمري انت
على الصراحة اللامتناهية بالاجابة وربي يخليلك بناتك وامهم ويفتحها بوجهك
وين متكون واسف على اطالتي بالاسئلة وصدك الله يساعدك على الاجابة هههههههههههه


تحيااااااتي الك وردة الفرات
وربي يديم الاخوة ان شاء الله

اهلا وسهلا بيك اخي انا عندي سؤال بس

هو


قل شئ واحد فقط يجعلك اسعد انسان بالدنيا وبصراحه ارجوك؟؟


وكل سنه وانته طيب

[اسدالعراقي]

السؤال كتب بواسطة الاخت العراقية الوردة

اهلا وسهلا بيك اخي انا عندي سؤال بس

هو

الله يسلمج اختي العزيز

بس سؤال واحد عفية عليج لان الاخوة الاعزاء ما قصرو ههههه

واكيد انتي تملكين احساس رائع وحسيتي بتعبي وردتي اداريني

بس اني حاضر لكن الاسئلة وتدللون عليه اخواني الاعزاء

قل شئ واحد فقط يجعلك اسعد انسان بالدنيا وبصراحه ارجوك؟؟

السعادة كلمة ولا اروع وكل انسان يتمنى السعادة

هناك من يقول السعادة بامتلاك الكثير من المال

ومنهم من يعتقد السعادة بامتلاك بيت كبير وسيارات

واخرين يعتقدون السعادة بالحب وتاسيس اسرة واطفال

باعتقادي السعادة شيء نسبي ولايمكن لشخص ان يعيش

سعيد لفترة طويلة

بصراحة في الوقت الحاضر لايوجد شيء يجعلني سعيد سوف تقولين

انت شخص متشائم ولكناها الحقيقة مع الاسف

السبب لكثرة الماسي والاحزان التي مريت بيه فقدت معنى السعادة

وفي الوقت الحاضر لا اعلم ماهو الشيء الذي يجعلني سعيد

انا لااقصد بكلامي لحظات السعادة فهذي تاتي وتذهب وهي لحظات

بل اقصد السعادة الحقيقية

المشكلة في فقداني للسعادة هو فقداني لنعمة النسيان التي انعم الله بها

على الناس لينسوا الاحزان والماسي التي تمر بهم

ولكن مع هذا كله احاول ان اجعل من حولي سعيد بقدر ما استطيع

حتى لو كان على حساب نفسي

والحمد لله على كل شيء.

وكل سنه وانته طيب

وانتي بالف خير

اعاده الله علينا وعليكم بالخير والسعادة

اتمنى ان اكون وفقت في الاجابة

اختي العراقية الوردة

مع تحياتي للجميع

[همس الغروب]

سلام اخي العزيز
حقيقة الاسئلة خلصت محد بقالي سؤال

بس حبيت اسألك سؤال واحد بس؟؟؟

الحب\الصداقة
ما نقيضهما؟؟ومن منهما تعطيه الاولوية؟؟
ومن منهما انت لم تجـد معناه الحقيقي للآن؟؟
.............
سؤال سهل مو لو مو مو؟؟؟

كــــــــل عــــــــام وانت بألف خير أخي
ويارب تحـــقيق الأمانـــــي