الرجل

[هاشم نجم]

الرجل مثل النخل
ما يحمل النه عسل
يكلب الدنيا كلب
ولو ساعه صابه خجل
بعكاله لمعة شمس
اتدلي كلمن غفل
وتعدل كلمن عوج
وتعدل الماعدل
الجلمه عنده شرف
ان كال والا فعل
لو تمر بيه نايبه
تلكاه زين وفحل
يحرك الما يحترك
ما يوم كلبه جفل
بثيابه يكرم اذا
ضيف بمضيفه نزل
وبضلعه والله يهد
بيته لون اشتعل
حجي الناكه وجمر
بس عنده يصبح غزل
اعرف بواحد شهم
على التمره مره انكتل
واعرف بواحد نذل
فرعو اخته وختل
واعرف بواحد صنم
مركوب مثل النعل
واعرف بواحد نبي
شك جر حه حتى يصل
واعرف بواحد ما احط اله اسم
ما يسوه فردة------
واعرف بواحد رجل
من جلبه طكوه زعل
وواحد بلايه جلب
ظل ينبح وما خجل
واعرف بواحد وكع
ومن راد يوكف وكع
لكنه ظل مستمر
حد ما عرك بالفشل
واعرف واعرف
بس ما عرفت الوطن
واحد خنيث ونذل
سووه عليه بطل
والرجل قيمه واصل
والرجل فد عنوان
والرجل خطوه وهدف
واسراب من دخان
الرجل لون وشكل
بس نازع الجنحان
الرجل مثل السما
كلشي عداها نصه
وكلشي عداها ارض
بس بكثر ما غيمت
مطرت علينه الوان
الرجل اصله اسد
بس بكثر ما بيه طمع
اصبح علينه انسان
ياكل مثلنا اكل
ويشرب مثلنا شرب
ويبوك بالميزان
لكني وبلا خجل
كتله انت اصلك قرد
نزعوا اسنونك غفل
ونطوك قطعه السان
تحجي مثلنا حجي
وتبجي مثلنا بجي
وتتشلبه على الحيطان
وفزيت بعد الحلم
ولكيت نفسي اسد
ياكل حشيش ودغل
ويعوف لحم الظان

منقول
للشاعر جبار فرحان

[ام فيصل]

بثيابه يكرم اذا
ضيف بمضيفه نزل
وبضلعه والله يهد
بيته لون اشتعل

صح لسانك عزيزي هاشم

ولسان الشاعر المبدع جبار فرحان

وعاشت ايدك على هذا الإختيار المميز للقصيدة

تحيـــاتي لك

[هاشم نجم]

شكرا لمرورك اختي العزيزه ام فيصل
تقبلي خالص الشكر والامتنان

[محمد السوداني]

مشكور اخويه العزيز هاشم للقصيدة الرائعة

عاشت ايدك يلغالي تحياتي الك واحترامي

[حيدر اللامي]

عاشت ايدك اخي العزيز هاشم تقبل مروري ونتظر المزيد

عاشت الايادي لذوق الرفيع
قصيده رائعه
شكرا

[عاشق عيونك]

الجلمه عنده شرف
ان كال والا فعل
لو تمر بيه نايبه
تلكاه زين وفحل

حبيبي قلبي هاشم يسلمووووو



تحياتي

[حيدر القريشي]

روعه عاشت ايدك يغالي
وتقبل تحياتي
وكل عام وانت بالف خير