مجموعة جميلة من الدارمي

[محمد السوداني]

هاك الكلب والروح وعيوني اخذهن
دوم الك مشتاگات خلصني منهن


للموت اضل اهواك ما يوم املك
وما بيه حيل فراك من هسه اكلك


راسلني عالايميل حسبالي هم بيت
تعبني yahoo وياك تاليه مليت

صبح وعصر وغروب وبوحشة الليل
وكل ساعة كلبي ينوح ويشتاك الك حيل


نشدوني هم حبيت كَلتلهم اهواي
ردت أحسب احتاريت بس أنته وياي


بيدي انا اودي الروح وانطيها لهواي
وانطيلة كلي النوب لو مارضة بهاي


روحي بسرير الموت وتكول اريدك
ماتقبل بدكتور بس لمسة ايدك


ملبوس الأسود دوم مو كلش يلوك
من تلبس الأسود يوم جا عزل السوك

اسود لبسلي اليوم وحياني الاشكر
والشعر نهر النيل والركبة مرمر


الجنة و انت بعيد ما مر عليهه
للنار اطب ملهوف لو انت بيهه



منتقاة
مع تحياتي

[ام فيصل]

هاك الكلب والروح وعيوني اخذهن
دوم الك مشتاگات خلصني منهن


دارميات جميلة

وانتقاء رائع

سلمت يداك عزيزي محمد

وتحياتي لك

[حيدر القريشي]

عاشت الايادي على الدارميات الروعه
شكرا لك حبيبي الغالي على الابداع المتواصل
ودمت بحفظ الباري

[عاشق عيونك]

الجنة و انت بعيد ما مر عليهه
للنار اطب ملهوف لو انت بيهه
شكرا ع الكلام الرائع يا رائع حمودي الورد


تحياتي

[محمد السوداني]

شكرا لمروركم الرائع والدائم احبتي

الاخت الغالية ام فيصل منور الموضوع بتواجدك
والاخ الغالي ابو كرار العزيز منور حبي
والاخ العزيز عاشق ياذهب منور

تقبلوا تحياتي
ودمتم بخير

[rafd1990]

دارميات كلش روعة
عاشت ايدك اخوية محمد

[محمد السوداني]

ويدك اخويه العزيز رافد منور حبي

تقبل تحياتي وشكرا لمرورك الرائع

[اسدالعراقي]

شكرا اخوية الغالي ابو جاسم المتميز
على الدارميات المميزة
عاشت الايادي ياصاحب الذوق الراقي