الأبوذيات

[M_D_N00]

شطر من كلبي أخذة ومنة خل تك
وبعد شترجة كاعد من نخلتك
على الغربيل أعاين من نخلتك
طحت مني كبل لا هز أديــة
----------------------------
وحق الريت و الياريت وليت
مفرع واندعي من يوم وليت
ياوالي من علية بجفاك وليت
وبعد عينك منو العينة علية
----------------------------
جروح شوكك بعدك ولمني
وسبب الفراك منك وله مني
بغيابك نظر عيني وله مني
كمت اوجد حرثتي بطراف ادية


روحي من الصبر طف طف وعاها
عليلة ولاخليل الها وعاها
اعاني من خلل بيها وعاها
حنينة وماتميز الناس هية

[محمد السوداني]

منور المنتدى اخويه العزيز ابو جاسم الورد
ابوذيات رائعة عاشت ايدك

تقبل مني كل الود والتقدير وهذه الابوذيه

روحي برشف خدك من عداها
احب وصلك وهابك من عداها
افراكك يوم احمله, من عداها
ازورك لو تصير احزاب اليه

مع ارق التحايا...ننتظر منك المزيد

[عاشق عيونك]

وحق الريت و الياريت وليت
مفرع واندعي من يوم وليت
ياوالي من علية بجفاك وليت
وبعد عينك منو العينة علية

منور يلغالي ابو جاسم حبيب قلبي

تحياتي

[ام فيصل]

منور عزيزي يافراتي ياجديد

ابوذيات جميلة

عاشت ايدك -- وننتظر جديدك

تحياتي لك

أبوذيات جميله
ننتظر جديدك

اكتبلي شما ردت تكتب واردلك
بساتين بوسط گلبي ورد . لك
اروح وابتعد وازعل واردلك
لآن الگلب بيدك مو بديـــه

[حيدر القريشي]

عاشت الايادي على الابوذيات الروعه
وتقبل تحياتي

ترف خدك قبيل الجان بالجان
ومن وجدك دليلي الجان بالجان
يهالتسأل علي الجان بالجان
لولا الجان صار الجان بيه