قصيده \ الزير روماني

[سلام الدراجي]

الزير روماني

يا طعم الفرح يا ريحه الهيل
يا بسمه طفل فرحان بالعيد

مر بيه بحلم خليني وياك
يلطيفك دوه لجروحي تضميد

يا نسمه هوة مو كافي هجران
لا أتعذب حبيبك كافي ميفيد

من اسهر أحس أنفاسي وياك
وانته الليل كله وفكرك أبعيد

گاتلني بصدودك ليش يهواي
يمته انحط سويه الأيد بالأيد

يا رمان صدرك چنه رمان
حلو بحامض طعم وملون أجديد

يا طيره بحديقة وانه صياد

و بعينك صدتني وبعد شتريد

مأسور ألگلب عند أحلى صياد

مت انه بغرامه وبعد شيفيد

بس رايد سوال أرجوك يا زين
مرتاح بعذابي وهذا ما تريد ؟

تظل انته ألي وما أتصير للغير
زير انه ألك روماني ما حيد

مع تحيات

الشـــــ سلام الدراجي ـــــــاعر

[ام فيصل]

تظل انته ألي وما أتصير للغير
زير انه ألك روماني ما حيد

اللــه عليك وعلى كلماتك الجميلة

شكــرا لهذا الإحساس الرائع

وشكرا لقلمك الذي يأخذنا بلا عودة

والف شــكر للـــزير الروماني

الثابــت ومايحيــــد

[محمد السوداني]

روعة مبدع دائما انت اخي العزيز الدراجي
امتعنني جدا قراءتها شكرا جزيلا لك
تقبل تحياتي وودي

[سلام الدراجي]

شكرا ام فيصل لمرورك الرائع تبقين علم المنتدى ورايته البيضاء

[حيدر القريشي]

عاشت الايادي اخويه العزيز
قصيده في غايه الروعه
تقبل تحياتي يغالي
ودمت بحفظ الباري

[سلام الدراجي]

شكرا اخي محمد السوداني لردك الرائع سررت بكلماتك الجميله

[سلام الدراجي]

اسعدني مرورك اخي حيدر الف شكر يالغالي

[سلام الدراجي]

الف شكرا يالغالي حيدر القريشي لردك الرائع تحياتي الك