خطيه يا عمر

[هاشم نجم]

صبغنه الشيب واحنه بالثلاثين
اشنصبغ بعد لو نوصل الستين
خطيه يا عمر بعدك ازغيرون
وجبير عليك ثوب الهم يمسكين
جبت عمرك ركض تسابك الريح
وهسه بالمشي خانتك رجلين
جبت عمرك ركض على الخبزة والثوب
وحرم ايصير عندك يوم ثوبين
رهمت على الحزن شلك بالافراح
الفرح مشغول باءصحاب الملايين
خطيه يا عمر خلصت لوعات
وباجر هم وراكم حسلب بعدين




تحيات

هاشم نجم

[محمد السوداني]

الله بوركت اخي العزيز قصيدة رائعة جدا
سلمت يداك تقبل تحياتي وودي

[سلام الدراجي]

كلك ابداع وروعه ياهاشم تقبل تحياتي

[ام فيصل]

هكذا اصبح الحزن زاد العراقيين

واختفت من تقاسيم الوجوه حتى البسمة

هذا هو قدرنا -- وليس لنا حكم عليه

مبدع ياهاشم -- وددت لو اســال ان كانت القصيدة بقلمك ام لكاتب آخر ارجو ابلاغي

تقبل تحياتي

[الشاعر ماجد الدعمي]

القصيده في غاية الروعه كونها كتبت بقلم شاعر بارع والفرق واضح جدا بينها وبين قصيدة بيك افكر تقبل تحياتي

[هاشم نجم]

اختي ام فيصل
تقبلي تحياتي وشكرا لمرورج
اود ان اعلمج ان القصيده هي للشاعر المبدع
علي غالي ياسين

[حيدر القريشي]

حبيبي الغالي هاشم
قصيده في غتيه الروعه
شكرا لك وتقبل تحياتي

[عاشق كاتالونيا]

الله الله على القصيده الروعه
تقبل تحياتي اخي العزيز هاشم
ودمت بخير