اوكف يازمن عدنه وياك عتاب

[زينه]

اوكف يا زمن عدنه عتاب وياك

تعال وشوف جرحك بيش ملچوم

خليت المصيبة بگلب كل انسان

ويابيت التطبله تشوفه مهموم


عاشرنه الحزن من چنه بالكاروك

ولحد ما كبرنه ويانه مظموم

البشر بالعيد تفرح تلبس اشكال

واحنه من الدمع فصلنه الهدوم

العيد إنذِبَح والضحِك دمه يسيل

ومجهول الهوية الفرح هاليوم

تعودنه بعد عالقهر والحسرات

وتعلمنه الحزن مو خوش تعلوم

نعيش بنص وحوش وناس تاكل ناس

وضمير اكثر العالم صار معدوم

صار الضحك سلعة وتشتريها الناس

وثمن كل ابتسامة بكاس مسموم

[ام فيصل]

الله عليج ياوردة

عاشت ايديج على هالقصيدة الرائعة التي تنطق حزنا -- وألم

هذا هو الحال هناك --- في بلد يدعى وطني

تحياتي لك عزيزتي

[قلب المحيط]

حياتي زينة تسلمين على اختيارج الرائع القصائد



تقبلي مروري

[زينه]

شكرا لقلب المحيط وام فيصل حبيباتي
اختكم زينه

[حيدر القريشي]

شكرا زينه على هاي القصيده الرائعه
تقبلي مني خالص الود والتقدير