القصيده مستوحاة من الحكايه الشعبيه (غيده وحمد )
والى كل من يسأل عن حمد اقول :
حمد انه ..
اليحب الناس
وحمد انه الشال هموم كل الناس !
وحمد انه الوكف غنه
رغم كل الجروح البيه !
ومتاني تمر غيده
وياغيده الدرب منا !
وحمد ذاك التعرفينه !
ماوجه الجرف غيرج
ولا غره البريج بشحة سنينه !
ياغيده حمد دمعه
بعين كل مهضوم تلكينه !
وياغيده جرح بغداد
صار اشهر نياشينه !
وبزاخو حمد موجود
وبنخل البصره تلكينه !
وتفتر عالوطن عينه !
وياغيده حمد منذور
لبلاده واسم ودينه !
وياغيده وبس اعداه
ما ضيعت عناوينه !
حمد رايه وجذب متطيح !
ويانهر الفرات المانسه طينه !
ولتكلي حمد وينه ؟
حمد اني ... وحمد انت ..
وحمد كلمن يحب غيده
وعشك بغداد وحطاهه بوسط عينه ...
شكرا للجميع ماجد الشاعر