تعبنه يا وطن

[هاشم نجم]

تعبنه ياوطن كلي اشوكت نرتاح----------ونشوف العدل يحكم بميزانه
تعبنه صحنه الله واكبرصاح بينه الموت--ومل بعرفه منه وسرفن اردانه
عدمن تشتكي يا وطني المصلوب--------وياهو اليسمع وتشتكي بديوانه
لحدمن يا وطني تتلاوة وي الموت-------وقضيتك ليش جيل بجيل خسرانه
ما صدكنا توهن طاحن الاصنام----------واجتنا اصنام جوعانه
شعبك يا عراق كم عقد متعوب--------كم جيل الاجه والناس تعبانه
تعال وياي خل انكلب التاريخ----------تاريخك مصيبه ومطوي باحزانه
عبوديه وظلم واطماع واستعمار-----ومر بيك الجحيم بابرز الوانه
بقطار الموت صاعد يا وطن لتموت-- بعدك ماطحت حضروا الدفانه
اصحه وشوف نفسك وين تلكه----- الف ذيب الجاك وحاد نيبانه
محتار بزمانك يا وطن اجندوب---- -حتى الصبر مل وقفل بيبانه

[ام فيصل]

اخي العزيز هشام

تحياتي لك على هذه الروح العالية ونخوة الطيبين

قصيدتك كلماتها رائعة ولكن هناك اخطاء بسيطة في ميزان الأبيات

عدا ذلك جميلة بكل معانيها

عاشت ايدك

[سلام الدراجي]

يااخي العزيز والله قصيده رائعه بس المصيبه اكو مشكله بالوزن واضحه جدا تحياتي الك اخ هاشم ودام عطاءك تقبل مروري

[محمد السوداني]

قصيدة رائعه من كل الحيثيات ابدعت
واتمنى لك الابداع اكثر في المرة القادمه
تقبل تحياتي واشد على يديد ,,,,,
ننتظر منك المزيد

[مصطفى المالكي]

اخي العزيز
شكرا على هذه القصيده الجميله
انت اجتهت في اختيار الموضوع والصوره الشعريه

فكلاهما جميل

استمر اخي فنحن لك متابعون

تحياتي

العراقي

قصيده كلش حلوه مبدع اخي مع خالص الود