يا جمال البيك

[مصطفى المالكي]

انته مو بس صاك سموك وجميل


انته بلوه لو شعرك على جتفك نزل


انته بيك اتوه جلماتي واحير

ومن جمال بيك ياخذها الخجل

وبجمالك بلوه يا عمي ابتليت

وبيك احير اشلون اكتبلك غزل

شما اريد اكتب انا بحقك قليل

واحسها خجلانه جوه ايدي الجمل

انته مو بس حلو واصاك وجميل

الحلات البيك أحلى من العسل

انته نظره من عينك تشفي العليل

وحتى اليائس ترجعله الامل

انا من شفتك ابمكاني تبسمريت

لأن من جمالك احس صاباني شلل

لأن من جمالك احس صاباني شلل




تحياتي

مصطفى العراقي

[ام فيصل]

يـــــــاعيني عليك يامصطفى وعلى هذه القصيدة الغزلية

عاشت ايدك يامبدع

وسلم لنا هذا الإحساس والتألق

تحياتي عزيزي وننتظر رائعة اخرى منك

[محمد السوداني]

تحياتي الك اخي العزيز مصطفى قصيدة رائعه
تقدير واعجابي الشديد لابداعك المتواصل
لك مني كل الود والاحترام

[مصطفى المالكي]

يـــــــاعيني عليك يامصطفى وعلى هذه القصيدة الغزلية

عاشت ايدك يامبدع

وسلم لنا هذا الإحساس والتألق

تحياتي عزيزي وننتظر رائعة اخرى منك

ام فيصل

لكم يسعدني تواجدك الجميل في متصفحي
شكرا على هذه الاطلاله الجميله

تحياتي

العراقي

[قلب المحيط]

مصطفى العراقي انت مبدع فعلا

شكرا على هاي القصيدة الحلوة والكلمات الرائعة

تقبل مروري

[حيدر القريشي]

شنو هاي عمي صوفي
قصيده تخبل روعه وفي غايه الروعه
شكرا لك حبيب على الابادع
وتقبل تحياتي
اخوك حيدر القريشي

[مسره]

عاشت الايادي ياشاعر يامبدع
تحياتي
انتضر جديدك

[الشاعر ماجد الدعمي]

تحياتي الحاره لك اخي مصطفى العزيز وشكرا على الكلمات الجميله