قصيدة كلش حلوة دخلو وشوفو

[ملكة الاحساس]

....................
بالغربه يل سافرت
هم بيهه ألك أصحاب
هم بيهه طيبة هلك .... ناس وربع وأحباب
هم بيهه يمه أجو ... ربعك دفك الباب
وبالغربه يل سافرت ... أنذليت بيهه شكثر
بالغربه تجمع ملك ... ويجوز تبني قصر
بس كَلي هم تشتري
الكَعده اعله دجله العصر ؟
وجن جذع بس منحني .... أمك حناهه الزمن
تشوفك ولو ثانيه ... من كَبل لبس الجفن
أمك عليهه نذر ... ناذرته لأم الحسن
وعيون أبوك التصب ... مرسوم بيهه الحزن
لو هالغرب خلتك ... كَلبك صخر مايحن
يمه ويبويه و ولك ... لو ذني هم أنسن
لوناسي أهل الشعر ... لوصوت داخل حسن
يل سافرت بالغرب ... وسنين عمرك كَضن
خايف عليك شكثر ... بالتالي تنسه الوطن
وبالغربه يل سافرت ... عينك تنام الليل
بالغربه ياهو اليهد ... لوخان بيك الحيل
وبالموج ليش أمنّت ... ماتدري طبه الميل
مذبوب يم الجرف ... طبعك خذاه السيل
شمتاني ارجع بعد ... ظلم عليك الليل
الرجع يعني عرف ... والعرف يعني كحيل
وبالغربه يل سافرت ... الكلشي لازم حد
الهور لمن رجع ... ماشاف يمه أحد
جان الكَصب بالكَبر ... موسمع هوره أنهد
ذب موته يم الجفن ... من كَبره كَام و رد !!!
وانته الي طبعك دمع ... لازم تريد الخد
ومادام خدك وطن ... بالغربه وين الخد ؟؟؟
وبالغربه يل سافرت ... ماتحن بعد لمس
واحنه بطبعنه الدمع ... إيموت لوينحبس
وانته الي عين بسجن ... جاكَلي يمته تحس
بعد ابطلعته الصبح ... يرجع وماكو شمس
والدك هده الكبر ... يجمع أفلوس العرس
حسبالي باجر تجي ... مافات كَلت الدرس
باجر وكَولن ترد ... باجر وكَولن تحس
ومن باجر آنه إيست
ظـلـيـت أتـــــــانــــي أمـــــــــس .
تحياتي للجميع



__________________

كون إيصير كلشي بعمري مكَلوب

أرضه بكلشي يطلع عن أصوله
كون أول حياتي الكبر والشيب
وآخر لحظه من عمري الطفوله

[محمد السوداني]

بالغربه تجمع ملك... ويجوز تبني قصر
بس كلي هم تشتري
الكعده اعله دجله العصر



والله دمرتنه الغربه بس شنسوي الله ارحم الراحمين
عزيزتي ملكه تحياتي الج والله لا اعرف ماذا اقول

[الشاعر ماجد الدعمي]

مليون مره احترك من اذكر اصحابي
ة اندك بابي امس كيفت كل ظني ردوا الي
ولمن طلعت بعجل لن الهوه ابابي


تحيه كبيره لك على هذا الاختيار الشعري الجميل تقبلي مروري

[ام فيصل]

الله عليج ياملكة الإحساس

والله بجيتيني -- الغربه نار وتشب وسط الضلع تحرك

الف شكر لك على هذه القصيدة الأكثر من رائعة

والغريب إله الله --- تقبلي مروري

[عراقي هواي وميزة فينا الهوى]

مع تحياتي
ان كل الجبال مرتفعة وشاهقة
ولكل جبل قمة
وقمة جبال ما ورد في قصيدتك

بالغربه ياهو اليهد ... لوخان بيك الحيل

ولاشيء عندي اقوله
الا
بارك الله فيك

[ملكة الاحساس]

مشكورين على المرور انشالله ياربي ترجعون بالسلامة

[سلام الدراجي]

تحياتي الچ ياملكه قصيده ملكيه بفعل تشكرين عليها وهاي تاج على الراس تبقين رائعه

[ملكة الاحساس]

شكرا اخوية الزير على الاسلوب الراقي وعلى المرورتحياتي لك