اشهر عشرين كذبة عند البنات

[ساره البياتي]

هاي اشهر 20 كذبة عند البنات


1-مادري حبيبي احس اني اعرفك من زمان تصدك(اي من جان الدينار حياكه)

2- حبيبي احس انك غير عن كل الشباب احس انك مختلف وغير عنهم
(عندي كرون يعني)

3-ياريتني ياكلبي عرفتك من زمان
(اي خيرانشالله..مقشمره 79 واحد كبلي وجاي تبيعها عليه )

4-انا ماطلع من البيت هوايه ولما اطلع انزل راسي بالكاع وماباوع احد
(انتي بس يم ابو الصمون تبقين 3ساعات اتريدين واحد ايباوع عليج )


5-ماحب اكعد وغرفتي هوسه واني احب النظافه وماعرف انام الا واني مبخره غرفتي وفراشي ( اي هيه غرفتها هوسه و هايسه )

6-احتمال اروح سويسرا الصيف القادم
( خطيه تروح للزوراء عباله سويسرا )

7- تصدك حبيبي ماعرف ألبس الا من احدث الموديلات( هيه قطعه قماش وتفيك بيه )

8-اووووووه حبيبي مشتهيه كابتشينو وكيك ابو الكريم
( هيه تاكل اصابع مالحه واستكان جاي مال حصه )

9-دائما عطوري مااشتريه منا كله بابا ايجيبه من الخارج ( قصده من خارج البيت يعني براس الشارع ابو الجنبر )

10- شكلي حبيبي راح اطك لي جاكوار من الوكاله
( اذا مو هوندا موديل 76 من الكراج مال باب الشرجي واذا حصلته )

11- انا بيتنا بشارع الحب على تقاطع ابو جعفرالمنصور ( شارع حب ماكو شون جذب مصفط)

12- حبيبي اليوم تلفوني وكع وخرب
( يعني اشتري لي جهاز..ليش هيه متدري اني مزيقه خط ونخله وفسفوره )

13- انا جنت مخطوبه بس خطيبي مابي مواصفات (هوه زين حس على نفسه وخلص نفسه من هالبلوه ))

14- حبيبي اروح اشتري حذاء من هذا ابو 50000( كولي ابو ال2000 ومن البالات ليش مستحيه )

15- حبيبي خلي ابالك ترى انا اذا حبيت حبيت من كل كلبي( اي احجيلج ويا )

16- حبيبي اني اروح لنادي الصيد بعجبني العب تنس هناك ( هيه تروح تلعب غميضه بحوش بيتهم )

17- علاقتي بيك محد يدري بيها ابد لانها تعتبر من اهم خصوصياتي ( حتى خدامتهم تدري انها تحجي ويايه.. )

18- احب اكعد بالبيت واساعد امي واحب اكعد ويه النسوان ونشرب جاى ( يعني ترى ماعندي خرابيط تعال اخطبني..بالعيد انشالله )

19- حبيبي عيد ميلادي الاسبوع الجاى ( يعني اريد هديه...اني عاد مااقصر بعييييييييني )

20- بعد كم يوم راح ادخل معهد واتعلم اسباني بعد ماخلصت الفرنسي والايطالي (عربي مثل الاوادم ماتعرفين...هالمره اسباني؟؟؟)

مثل ما اوصيكم بنات لاتزعلون عليه خلي روحكم رياضيه
ههههههههههههههههههههههههههه

[جنة بغداد]

شكرا على الموضوع
بانتظار المزيد من الابداع

[همس الغروب]

سروره نريد المرة الجاية على الشباب
مشكورة على الموضوع
تحياتي

[egyptiantito]

والله برافو مش خايفه البنات يتجمعوا عليكي
مشكوره على الموضوع الجميل
تقبلي كل الود والتقدير ومعهم مروري المتواضع

[اسدالعراقي]

20- بعد كم يوم راح ادخل معهد واتعلم اسباني بعد ماخلصت الفرنسي والايطالي (عربي مثل الاوادم ماتعرفين...هالمره اسباني؟؟؟

هاي تلكاهه شهادة امية ماعده
تحياتي

[حيدر القريشي]

موضوع رائع ومميز
15- حبيبي خلي ابالك ترى انا اذا حبيت حبيت من كل كلبي( اي احجيلج ويا )
واعجبتني هذه لان صحيح لا يوجد حب صادق هذه الايام الا القليل
تحياتي