شمالك يا ضعن ظواي شتيت
انا بناري وهمك بيك شتيت
اذا انته بقميص الصيف شتيت
انا مصلخ شتاك المر عليه
___________________________
انه همومي جهال وترضع هموم
واكظي ليل ولولي وما يهادون
انوم هاذ يكعد ذاك ولوع
ويفزون عله صوته وما ينامون
كبر منهم فطمته وياكل ضلوع
شسوي النوب لو كلهم يكبرون
بس اسمك نهر والماي مكطوع
وانه عله الجرفالهث بالجفون
جنح بيه انكسر والثاني مخلوع
وطرت كوى على اعناد اليكرهون
يونس زين عمي بحوت مبلوع
اجو ربيعي مناجلهم يحصدون
مع تحياتي
معتز الحداد