بروحي اغطيك

[مسره]

ابودي اطيرن ليك ياشوكي واطفيك
لان ادري نار الحب توج بيه وتوج بيك
وادريبك زمانك خانك وعال
وتمر بيك المحن غصبن تبجيك
غزال استاهدك شوك وحسن وجمل تباريك
وكل صياد رادك عدل يشويك
وغصب تمشي بدرب عاثور ملين بمرض يعديك
كلي ياوكت تصحه تعرف منو المضحكك منو اليبجيك
وانت اصبحت ريشه ولفتك ريح يسره التاخذك يمنه التوديك
ادريبك كلب خالي وادريبك كمر عالي لكن للاسف كثرن بلاويك
كل هذا وتظل روحي النديه تشم طواريك
بنص كلبك تطب روحي على غفله برمشة العين وترابيك
وصرت مشدود على طولك ماعرفت شبيك مابيك
وصرت بجناح اعيش الثاني مكسور واحطك بي اطيرن خايف عليك
تاج انت على راسي واحمل شبيك
واقسم بلفض الجلاله اخلي فراشك العين ولحافك جفن ورموشي التدرايك
ومن تامرني عبدك واصرخ بكل حيل ياملك لبيك
واصيرلك طريق مطرز بشوك بي احله السوالف عسل تشفيك
وذا جاسك برد كانون تدريني يعراقي بروحي اغطيك

[منير]

قصيدة في قمه الروعه اختي
ننتظر جديدك

تحياتي

[سلام الدراجي]

اختي مسره قصيده جدا جميله عاشت ايدچ نورتي المنتدى ننتظر مزيدك
اخوك الزير روماني

[محمد السوداني]

تاج انت على راسي واحمل شبيك
واقسم بلفض الجلاله اخلي فراشك العين ولحافك جفن ورموشي التدرايك
ومن تامرني عبدك واصرخ بكل حيل ياملك لبيك
واصيرلك طريق مطرز بشوك بي احله السوالف عسل تشفيك

وذا جاسك برد كانون تدريني يعراقي بروحي اغطيك

الله ابدعتي في المعاني وتفنن قلمك بالكلمات
مشاركه رائعه تحياتي لك ,,,,,,,,,,,
والى المزيد من الابداع
منتظرين جديدك

[مسره]

اشكركم جميعا نورتوني تحياتي......................

ووالله تستحق الشكر والتقدير

[غفران الحزين]

[ابو علي الصكر]

روعه 00روعه 000روعه 00
ما عندي حجي اكوله 000
ودمت بحفظ الرحمن 00
ننتظر المزيد