اشبدلاك يا حبيبي اشبدلينه

أبو يحيى عماد العابدي

إشبدلينه ياحبيبي إشبدلينه

موحسافه إرواحنه البدروبكم ضاعت رهينه

وشصفينه من هواكم ياحبيبي إشحصلينه

يلهويناكم سوالف ليل ما ملت حجينه

يلحسبناكم سوالف ليل ما تذبل إسنينه

من عشكناكم وفينه إو صفت بس دمعه بدينه

نعتب إعله الشوك وحنه الشوك ليكم يعت بينه

إو هسه شمس الوصل غابت والفرح ما يرد لينه

مو بدينه يلعشككم رمح وسط الكلب وحنه الرايدينه

إو لو نزف جرح الهجر من طيفكم ضحكات بيها إمركدينه

يلبحركم جف عكب ما تونه كملنه السفينه

إو ياسفينه شراعها من أطيافكم ورياحها سوالف حزينه

إشما بحرنه بحلم نرسه بشاطي من هجرانكم والله إنسبينه

إشما لهمنه من الصبر ننسه الصبر حبكم ولا لحظه نسينه

يمن حبكم طيف ويداوي الكلب لو ون ونينه

عفيه طيف إللي يعين اليوكع إو محد يعينه

آه ياكلبي الفتح بابه إو نطر طيفك يجينه

إو آه ياعين إشرخص دمعاتها إبحب فاكدينه

علمتها ألروح ترضه إبوصل من طيفك علينه

إ شبينه من لهفه إلهواكم طيف وحنه معانكينه

شفنه شعرك ليل وببابك غفينه

يلتدين ليل كحلك راد منك كحل عينه

كل هواها الروح دربك بغير دربك ما مشينه

ول ولانه طحنه من أحضان طيفك ون ولينه

وك سطر بكتاب ألايام إنكتبنه ون طوينه

يلجرح هجرك غميج إو يمن من هجره إن لوينه

إشبدلينه حبكم إبحبكم حبيبي إشبدلينه

والله ريت البدلاكم عمت عينه

[غفران الحزين]

إشبدلينه ياحبيبي إشبدلينه
موحسافه إرواحنه البدروبكم ضاعت رهينه
وشصفينه من هواكم ياحبيبي إشحصلينه
يلهويناكم سوالف ليل ما ملت حجينه
يلحسبناكم سوالف ليل ما تذبل إسنينه
من عشكناكم وفينه إو صفت بس دمعه بدينه

تسلم ايدك على الكلام الجميل
والله اكثر من رائعه

تحياتي غفران