والله الواحد مايعرف شيكول


يعني أجيتو حتى تفرهدون العراق أولاد ال ........... اللهم العن الشيطان!!!!!

ولكم ماتخافون من الله دكافي ___ مو الناس أذا أنفجرت تصيرون تحت الرجلين

مو شفتو شلون صار بالأنتفاضة كل أجهزة صدام القمعية ماقدرت على الناس من نزلت للشارع ___ يعني مشتهين أنتفاضة تصير عليكم حتى تصيرون أوادم ؟؟؟؟

المعمم اذا مو حرامي الحاشية مالته ماخلو شئ حتى الجدوره والماعيين لطعوها
وابو ستره حرامي وابو لحية حرامي
والمثقف بيناتكم صار غصبن على ابو أبوه حرامي.


نريد نعرف الى متى تبقون تسرقون بأموال الشعب ؟؟؟؟؟؟؟؟؟

أيران تشفط بالنفط وأنتم ساكتين .......... ليش؟؟؟؟؟؟؟؟

الكويت تشفط من حقول الرميله وانتم ساكتين ......... اذا مابيكم حظ وتخافون

عمي سلموها للشعب وشوفوا ..... يقدر ابن منتوفه يوصل ويسرق نفط العراق
اي والله نوكله من اللي مايتسمى لو كل الناس تموت دفاع عن ارضه وماله.

يعني العجام اولى بهذا النفط من الشعب العراقي ____ لاوالله هذا قمة الحرام.

اكو فتوى تسمح لأيران بسرقة النفط من آبار مجنون وغيرها وحنه مانعرف؟؟؟؟؟

حتى الله مايقبل بهذا العمل.

كل حزب يقول حزب الفلاني هو السبب وخير العراق راح بين الأحزاب
من عسى الله يفكنه منكم كلكم.


من أول حكومه الى هاي الحكومه يعني ثلاث أو أربع حكومات
كل اللي يوصل يطلع أضبط من اللي قبله بالبوك والتفرهد .... ماتكولولي وين تربيتوا

* وزير النفط السابق خمط لين الله قال بس وفلت هو وابوه قاعد بلندن
* وزير الدفاع السابق خمط 8 مليارات وفلت وعايش في الأردن تحت حماية ابن ملك حسين.
* رئيس مايسمى (( الضفادع البشرية )) قاعد يلغف ليل نهار سياره رايحه وسياره جاية ويعبر المليارات لدوله مجاوره .

* وزير الخزنه ماشاء الله مسكين حتى مروحه ماعده بالبيت (( يوميه فاتح حساب بنكي بدوله شكل )).

* أعضاء البرلمان رواتبهم تعيش بها دول أفريقيا أذا نقسمها.

* المناقصات على المشاريع بالعراق صايره فرهود لقرايبكم وللأيرانيين.

والعالم ميته من الحر والبرد ومامحصله خبزه (( اللي يتغدى مايتعشى ))

* اللي يريد يتوظف لازم يدفع رشوة ولازم يكون منتمي لحزب فلان.

وكل هذا البوك مامكفيكم سرقتوا الحصه التموينية مابقه بيها غير صابونه وجيس ملح الله ينتقم منكم.

* البنك المركزي يوميه صاير بيه حريق ..... ولكم انتو لوتيه لو زواج

يعني تصورون الناس غشمه

ماتعرف انتم تسرقون الملايين وتحرقون البنك حتى تضيع الحسابات
ومحد يعرف اشكد طلع واشكد دخل لميزانية الدوله.



يعني انتم اجيتو على مود تسرقون العراق ؟؟؟؟؟؟؟؟

لاحول ولا قوة الا بالله العلي العظيم

أي وبعدين هل تتصورن الله تعالى يقبل بهيج سفاله ...... حاشى لله لن يرضى بهذا الظلم خصوصا من ناس تستروا خلف الدين.


لاكن هي كلمه نقولها لكل الحرامية الجدد

مال الحرام لو يفيد جان فاد صدام وجلاوزته قبلكم.

والله الناس ماراح ترحمكم .


جنة بحرامي وهسه بجومة حرامية.......... والمشتكى لله.



جزاك الله كل خير أخي الفاضل أبو الغيث.