مواويل

[ابو علي الصكر]

السلام عليكم
يازين الاوصافحسنك بالجبد شب نار
صح المثل بيه خدك جالبدر لو نار
كل اليودك مع وحوش البراري نار
هيهات يغمض لي بهجرك يناهي جفن
منهو علي امتيمه بالموت كبلك جفن
سيف الحواجب تسله دوم من اليفن
وتريد جتلي يمن ضي وجنتك جلنار
*************************
ارجو انم تنال اعجابكم00

[سلام الدراجي]

تسلم يابعد عيني على الموال الجميل

رائــــــــــــع معنى الكلمه
شكرا للابيات الجميله


واعرف هذه مو يخص الموضوع بس تذكر اكو مره كتبت عن لفة ابو عباس سألت اهلي اصلن ماعرفو شنو هيه


تقبل مروري
وفي امان الله

[ابو علي الصكر]

اختي العراقيه 00
اشكر مرورك الجميل لان صفحتي قالت (تعطرت بالعراقيه من مرت عليه)
ام بخصوص لفة ابو عباس 00هذا الرجل جان ايسوي سمبوسه وفلافل000
تحت عمارة النقيب بالعشار 00والان اولاده يشتغلون ابمكانه بعد ان تحولو الى سوق حنا الشيخ000
وكانت مشهوره جدا 00اتذكر كنا نطلع من الجامعه وناكل عنده شباب وبنات00يا محلى ذيج الايام والطبكه الي تعبرنه ذاك الصوب لان كانت الجامعه في التنومه ولازم نعبر بالطبكه لو بالماطور00اسئلي الاهل عنها بعد السلام عليهم00واتمنى ان يكونو في صحه جيده000
اخوك الصكر00

[southman]

الله يا لفة ابو عباس و الدقوس الحار

او هذا ليش ماعرفوه
اصلن اهلي جانو فقراء بالبصره ماجانت يمهم جامعه ولا شي
شكرا اخي
واعتذر ثقلت عليك ودوختك بسؤلاتي
احترامي وتحياتي

[ابو علي الصكر]

حبيبي سوثمن الغالي00
شكرا لمرورك اسعدني كثيرا00
اتذكر لفة ابو عباس والدقوس الحار 00والله لو ترجع ذيج الايام الحلوه 00لا نعرف بيه غير الفرفشه والضحك والمقالب بالاصدقاء المقالب البريئه علمود نضحك فقط000حبيبي العشار بعده مثل ما جان واحلى لكن مو نفس البشر الطيبين والمتسامحين واهل الكلوب الجبيره00كبل لو طخ واحد سهوا يرجع هو يعتذر منك ويتاسف لك00تعال شوف هسه ايخنزر عليك جنه ذيب ويريد ايهاجمك00تعتذر منه انته لم يرد عليك ولو بكلمه000
هاي حال الناس هسه بس مو كلهم لان اكو من الطيبين اهواي 00بس هاي الحاله الي حجيت الك عنه ما جانت موجوده كبل000
تقبل تحياتي لك وللاهل واصدقائك 000واي شيء تحتاج من هنا انه برسم الخدمه 0(فزعنه وشوف اشما بينه)
اخوك الصكر

[ابو علي الصكر]

اختي العراقيه الغاليه 00بعد السلام على الاهل جميعا 00
هذي لفة ابو عباس في العشار وما كو واحد ما يعرفه لانها مشهوره00اما اذا كانو الاهل يسكنون في الاقضيه والنواحي قد يكون لا عرفونه00المهم 00
ما علاقة الجامعه بالفقر00كلنا فقراء وكنا نسكن في حي شعبي رائع اهله خليط من جميع شرائح المجتمع00
فيه الشعراء00والمثقفون00وابطال الكره البصريه00والخ
بعدين الجامعه في حي فقير جدا الا وهي التنومه تصوري هذه المنطقه نعبر لها في الماطور وهو اشبه بالطراد او البلم لكن يشدون له ماكنه للسرعه 00وهذه المنطقه تقع شرق البصره اي على ضفاف شط العرب وهي زراعيه
اما بخصوص كثرت اسئلتك وتقولي دوختك 00ما اسمح لك بهذا الكلام لان انت اختي في الغربه واكون في رسم الخدمه لكل مغترب 00ويسعدني جدا ان اقدم لك كل ماتحتاجينه من اي شيء 00اجوبه 0او اذهب الى مكان هنا في البصره او وصيه احملها لكم 00
في الختام دوختك000
اخوك الصكر