قصه جميله في الابوذيات

[غفران الحزين]

هاي قصه كلش لطيفة..
فد يوم 3 اخوان حبوا وحدة بمنطقتهم ويومية يتعاركون عليها اتفقوا يرحون للقاضي هو يحلها الهم..
راحو للقاضي خبروا القاضي عن المشكلة البيها هم فالقاضي قال :
اني راح انطيكم الحكم :
اريد من كل واحد بيت ابوذية والي اشوفه يستاهلها اخلي هو ياخذها فقبلوا على حكم القاضي فبدوا من الصغير قال..
هذيج الكابعة التمشي ورمه
اكبرت علتي وزادت ورمه
احبهه بيوم هي تزحف ورمه
وتحبني وهلي ايلولون بيه
ثم قال الوسطاني..
اصفعتني وعلى خدي انطبع يدهه
اشحلاتك ياصبغ بجفوف يدهه
احبها وهي بعدهه بظهر يدهه
وتحبني وابوي ابظهر ابيه
ثم قال الاخ الكبير..
مابقه غير الله ولادم
ولاسيف اليمنعني ولادم
احبهه وحوه منخلقت ولادم
وتحبني وهي طيبة وطرية
فمن الذي فاز فيها؟؟؟

[ابو علي الصكر]

تحياتي الاخويه00اتصور فازبيها الكبر لانه اقدم منهم يحبه0000
قبل لا يختلق ادم وحواء00000
((اصدق الشعر ابلغه))
مع جزيل الشكر00
الصكر

[غفران الحزين]

شكرا على مرورك

ابو على الصكر
هذا رد الخوان الصغير والكبير

يا حاكم ليش حكمك ضلم وياي
شباب وما يلوك السجن وياي
اريد تنام ليلة بسجن وياي
تعوف الحكم والحاكمية

هذيج الكابعة التمشي ورمه
اكبرت علتي وزادت ورمه
احبهه بيوم هي تزحف ورمه
وتحبني وهلي ايلولون بيه

هاي فازت
وشكرا اخي كثييير روعه

[غفران الحزين]

شكرا على مرورك الجميل
ابد ما زلزلك حالي وهدك
عفاه شيحمل الكلفة وهدك
قصدي بس اصيدنّك وهدك
و أريد تصير حر وترد الية