اجمل الابوذيات
هنا يلخذة روحي وانتة بيها
المحاسن فرع منك وانتة بيها
لا تحرك جبدتي ونتة بيها
خوفي عليك مو خوفي علية
انة جناح الحزن رفرف منسماي
يموت الموت لو يشرب من سماي
اضن تختض لو تعرف منسماي
واخاف عليك لا تنصدم بية
يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه
يهل ناديت بسمي هواي عيدة
ويهل ماخذ دليلي وياك عيدة
الكلب مو بس بعد رمضان عيدة
انا عندي العيد من نكعد سوية