قصيدة اثوابك من ثلج ياطائفي اتموع

[بنت عمر]

بجينه او نزلت اعله اوراقنه ادموع

او كتبت بالحزن هاي القصيده

مابين الالم والعوز والجوع

الف هنياله كلمن يحفظ ايده

ابوجه شارعنه شفنه الموت مطبوع

وانياب الرصاص احفرت جيده

او صاروخ ابمجان الورد مزروع

اشكثر يكتل بشر هاي التفيده

ابصوانينه بعد ما ضلت اشموع

ولا فرحة طفل مصباح عيده

عدنه امن القتل انواع مو نوع

وانت اختار يانوع التريده

قتل تفجير جثه أو راس مكطوع

مامش غيرهه ابحلك الجريده

اللبلبل عاف عشه ابين الفروع

يخاف القاذفه تخطه او تصيده

نسينه احنه الخميس او علم مرفوع

او نسينه اطفالنه الحفضت نشيده

(عش هكذا في علو)صفت ممنوع

او غدت جلماتهه كلش بعيده

شنو ذنب الطفل مو بعده راضوع

بين احضان امه ايصب وريده

ابصدرنه المحترك ما ضلت اضلوع

حمت واثرت باطرافه الحديده

اثوابك من ثلج ياطائفي اتموع

او عدنه اثواب ما تعتك جديده

مالح بعده للخطار عشنه

ولو بين الالم والعوز عشنه

يظل بس للبلابل ملك عشنه

اوحرام البوم يكعد حدر فيه
على فكره منقوله
اختكم ايه

[الفتاة المرحة]

مشكورة حياتي وتنقل الى القسم المناسب .

أختك
مرح

[الغضب العربي]

مشكووووووووووووووووووووووووووور

[نورس العراق]

مشكوره اختي الفاضله على القصيده الجميله

[بنت عمر]

مشكورين على المرور عيوني
تحياااااااااااااتي ايه

تسلم الايداى والله كلمات جدا جميلة اتمنى تصل

[رومانسي بغداد]

مشكورين اختي على القصيده الجميله والكلمات الاجمل