مغامرات بادي التحشيشيه ( الجزء الثاني ) عشه خصوصي من فاتحه
اليوم .. مغامره من مغامرات بادي التحشيشيه ...
روى لي صديق بادي شاكر البش .. سالفه جديده
من سوالف بادي المحشش .
قال شاكر البش فد يوم كنا جالسين نشرب زقنبوت
( يعني عرك ) يم الكازينو احنه والزمره ...
اجه بادي بيده كونيه مليانه وجان هم سكران . سلم
علينه وكال
-- اشلون الجماعه.
ردينه عليه
-- لاهله ولامرحبه
كال بادي
-- هاي ليش لازم جوعانيين. اليوم جبتلكم عشاء فاخر
تمن عنبر ولحم طلي هبر مال الفاتحه مال منطقتنه .
كلناله والجو بارد .
-- وينك يمعود شربنا ومتنه من الجوع يله اخويه
جيب العشه ما طول كله تمن ولحم وشعريه ..
وجبنه صينيه كبيره وفرغ بادي الكونيه بيها.
شنزل؟؟؟؟؟
تمن وعظام وفوكاه كطوف جكاير ورماد ..
كلناله يمعود هي شنو بادي .
كال جبتلكم عشه وجكاير ياعيني ولو كطوف بس
عل النص وداعتكم ..
جاوبه واحد من جماعتنه ..
جايب التمن والعظام وكطوف الفاتحه والفضايل .
جان جبت كاظم مير وياهن فرد نوب
وكاظم مير اسم الخطيب الذي يختم الفواتح بالمنطقه
مال بادي ..
كال بادي .
والله مايجي مير ..
رد مع اقتباس
رد: مغامرات بادي التحشيشيه ( الجزء الثاني ) عشه خصوصي من فاتحه
