تقفيص مريدي ؟؟؟
من حكايات التقفيص في مريدي (اكبر منطقة قفاصه في العراق)
طبعا ايام الحصار كانت افظع لانتشار تجارة المواد المستعمله
-- واحد راح يشتري تلفزيون مستعمل
اشتراه وراح البيت وميدري الشاشه مشحونه يعني تعطل بعد
ساعه من التشغيل .
هو شغله صارت الشاشه حمره مثل الدم
ساله ابنه
- بابا شنو هذا الحمار
- بابا هسه نشوف يمكن فلم بروسلي بده لو مسلسل حافات
المياه
-هناك وسكت التلفزيون وانتقل الى جوار ربه
- ذهبوا به للمصلح ثاني يوم
- المصلح كال لابوا التلفزيون ( اكدر اكللك جفنه )
-----------------------------------------------------
واحد راح ابيع دجاجه مريضه كبل ماتموت
كله القفاص - اني راح اذبحه هسه ماراح اتجاجر بيه
يعني سعره مايسوه اخذه بالف ونص .
مشى الي بائعها
- اخذله فره بالسوك وشاف دجاجته صاحيه كلش مابيه
شي ومعروضه بخمسة الاف دينار يم واحد ثاني
سال صاحبنا الواحد الثاني .
- ابيش الدجاجه
- جاوبه ابو الدجاج( هاي عراقيه اصيله ترباة بيت سعره
للطيبين 5 الاف
-صاحبنا ( انطيك والله وماخذه بس كلي هاي الدجاجه جانت
مريضه هي مالتي شلون صحت )
ابو الدجاج ( امشي عمي ما انبيع )
صاحبنا ( والله انطيك بس كلي )
ابو الدجاج ( ولو سر مهنه بس را اكللك الدجاجه المريضه
اصير مابيه حيل احنه انخليله بهارات وفلفل ( تعرف وين)
من حركة البهارات تصحه شويه هو ياخذه المشتري
ساعتيين وتعوش وتموت ,,,,,,,,,,,,,,,
------------------------------------------------------
واحد شاف شخص يصيح بقمصله جلد ويكول للبيع 20 الف
سعر زهيد للقمصله جلد .
الناس كاعد تعامله بجانبه
اجه المسكين واشتراها .
بسرعه كال اللي عارض القمصله لاحد الصناع .
- لفه لعمك بعلاكه
اخذه المسكين بعلاكه سوده ودفع 20 الف
هناك وركب الكيه اريد يذهب لبيته .
وفتح العلاكه وراد يلبسه شاف اخونه مو قمصله جلد
بدلة عرضات مشككه
راح يدك ويلطم ويركض على الشخص البائعه
شافه وكله- يمعود انت غلطان انته بايعلي بدله-
ماكدر يكمل لان اكو سجين اتخلت على بطنه
واحد بصفه همس بذنه يعني شاوره .
كله- افلت احسلنك واليوم تبات بالطب العدلي بمكان بيتكم
صاحبنا المسكين . بصوت عالي
- بدله جلد موقمصله اني غلطان قمصله على طولي
خاف السعر شويه جيت اتأكد ....
-----------------------------------------------------
رد مع اقتباس
مشاركة: تقفيص مريدي ؟؟؟
