حوار بين الخير والشر ادخلو واعطوني رايكم انشالله تعجبكم

الخير -- طيبه ومحبه وشوك اتمنه للناس

وكل الايام اعياد وحنيه وعراس



الشر-- اتمنه ملك الموت علدنيه يفتر

وكل واحد امن الناس شايله خنجر



الخير-- ريت ارسم ابكل باب ورده وحمامه

وفوك اشفايف دوم احلى ابتسامه



الشر-- ماحب اشوف اثنين خل ويه خله

وكل وفي وكل حساس اتمنه اذله



الخير-- كف والعن الشيطان واغسل ضميرك

باجر حطب للناس يصبح ضميرك



الشر-- حاقد عليك اهواي واعلى الريدك

وين المفر يالخير شوغات ازيدك



الخير-- ياويلك اهلي اهواي امكرمهم الدين

وانت خبيث الروح واهلك شياطين



الشر-- انه احب اثنين الفتنه والدم



الخير --وانه ابنعيم الله ودارك جهنم



مع اطيب امنياتي لكم بالتوفيق والنجاح اخوكم نسر القائم

[دلع البنات]

هههههههههههههه
حلوووووووووة
تحياتي

[دنو الشجن]

حلوه كلش حلوه وتسلم واتحفنا بالمزيد