نهر الدم .. شعر: علي البهادلي

[Ali Hassan]

ابنهرين العراق انطبعْ تذكاره

نهر دجله وفرات

وشاعتْ اخباره

دجله الطيب جاري

والنخل نيشان

على اضفافه تعلّه

وزهتْ اثماره

دجله الخير عنوان

الكرم والجود

نبع صافي وغدتْ

ماتنحچي اسراره

دجله امن القدم يجري

ابمحنه او شوگ

او ولا مره تكدّرْ

لو عطشْ جاره

لآلآلآلآلآلآلآلآلآلآلآلآلآلآلآلآلآلآ

وبعد عدنه الفرات امن

الاصل ياقوتْ

درر يجري وزهتْ

بضفافه انواره

او لو دجله انحدرْ صوب

الجنوب وراح

لاگاه الفرات وزفوا ابشاره

ولن شط العرب منهم

غده مولود

واخذ منهم نقاءه

وعزمه واصراره

نهرين وفخر واسم

العراق انصاغ

بلاد الرافدين ابمايه

واهواره

آآآآآآآآآآآآآآآآآآآآآآآآآآآآآآآآآآآآآآآآآ

لچن عدنه نهر ثالث

دفگ هاليوم

تحدّاهن ابزوده وزخّتْ

امطاره

نهر بس مو نهر عادي

وضفاف وطين

دم يجري وجثث

وارواح عبّاره

نهر لادهله بيه لا

خشني لا محار

نهر موت ومنايه

احزانه تتجاره

نهر كل العرب

بانشائه مشتركين

حفروه ابعنايه

وشتلو اشجاره

لآلآلآلآلآلآلآلآلآلآلآلآلآلآلآلآلآلآلآ

نهر رادوه ماينشف

يضخ كل يوم

اولو جاريه يفتر

گبتْ اشراره

ومنابع هالنهر تجدد

ابكل يوم

ذبح لو خطف لو

تفجير سيّاره

لو عبوات مزروعه

ابظلام الليل

لو اطلاق نار

ابحقد غدّاره

لو عدنه القذايف تسقط

اعلى الروس

ماتعرف اصلهه

الناس محتاره

لآلآلآلآلآلآلآلآلآلآلآلآلآلآلآلآلآلآ

نهج تكفير واضغان وقتل

كل يوم

واليابس للاخضر

گببه ابناره

وسياسيين عدنه افحول

بالتنظير

لچن واقع عملهم

كلهم اصفاره

واحزاب وجرايد گلبو

الصوبين

وكل واحد للاخر يطلب

ابثاره

ومقالات وخطب مليانه

كلهه اوعود

وآخرهه المواطن لن

هجر داره

آآآآآآآآآآآآآآآآآآآآآآآآآآآآآآآآآآآآآآآآآآآآآآ

لاشاف الامان ولاينام

الليل

يتگله اعلى نار وتاهتْ

افكاره

چا هذا العراق الچنه

نحلم بيه

بيد اشعيط لنه وغابت

احراره

غفلنه والزمن مايرحم

اليغفون

وتاه الراي عدنه

وغابت اعذاره

ابحر اظلم صفينه

وهاجتْ الامواج

ولن ساعه اعلى ساعه

ايزيد اعصاره

والقبطان تيّه والبحر

ماهاد

وشراع السفينه انگطعتْ

اوتاره

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ودنياك الولتنه وشدّتْ

احزامين

سحگتنه سحگ

والرحّه دوارّه

وهاي احنه نكابر

والجرح ماطاب

ولفتنه اجروح كثره

المالهن چاره

ونگول اليوم باچر

والامل بالجاي

وماندري بعد بالجاي

شخباره

ولن اسم العراق ابنهر

دم انصاغ

وغاب اسم الفرات

ودجله واشعاره

نهر بس نهر واحد عدنه

يجري اليوم

يريته انگطع نبعه وخمدتْ

اخطاره

ريته انهدم سوره ونشفت

اباره

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

علي البهادلي ابومرتضى

22/7/2007

نوربرو

[ارشيف الفرات]

مشكوووووووووووووووووووره على الموضوع

تحياااااااااااااااااااااااااااتي

[دلع البنات]

شكررررررررررررررا
على الكلام الجميل
أرق تحية من القلب

[خوخة الانباري]

مشكوررررررر اخي ع الموضوع

عاشت ايدك

[كرار الرسام]

مشكور على هذا الكلام الجميل

وتقبل مروري


كرار الرسام

[Ali Hassan]

مشكوووووووووووووووووووره على الموضوع

تحياااااااااااااااااااااااااااتي

العزيز الزير سالم
مشكور اخي الكريم على هذا المرور العطر الذي اعتز به كثيرا

اخوك علي البهادلي

[Ali Hassan]

شكررررررررررررررا
على الكلام الجميل
أرق تحية من القلب

العزيزه دلع البنات مشكوره اختي كثيرا
على هذا التواجد الذي اسرني كثيرا
تحياتي لك

علي البهادلي

[Ali Hassan]

مشكوررررررر اخي ع الموضوع

عاشت ايدك

العزيزه خوخه الانباري
مشكوره اختي على هذا المرور العطر الذي اضاء مصفحي

خالص تحياتي لك

علي البهادلي