دواي انته

دواي انته وعلي شلـون شحيـت
واني بكل ظروفـك مـا تخليـت
جنت اتنطرك ماي بعطش صيـف
ولو بردت اظلوعي تصير جبريت
جنت أتصـورك واكفلـي بالبـاب
بس تسمع بصوتي اتطبلـي للبيـت
من صحت ع لصوتي انكلبت الناس
اشو كلهه اجتني وانته مـا جيـت؟
عتبت عليك واعتب واعتـب ردود
جن جنت بحلـم وبلحظـه فزيـت
أطلبك والمواقـف ديـن الأحـرار
سويت شكثر , بس انتـه سويـت؟
اعدلك شرد اعدلك صارن هـواي
من يـوم التقينـه وانـي صبيـت
سحنت الروح لجلك والرحه اتدور
ومن خلصت روحي دموع ذبيـت
عشتلك بالحزن كل عمـري ويـاك
وبفرحتك عمـري انثـر جكليـت


الشاعر الدكتور
علي جواد كاظم البحاثي
http://poetsgate.com/sh3ra.php?action=shpoems&id=1334

[أمونه]

قصيده في غاية الروعه
عاشت ايدك اخوي علي
وصح لسان الشاعر
تقبل تحياتي ومروري

[ارشيف الفرات]

قلمك يدل على مدى شعورك الشفافه
وذوقك الرفيع
ونقلك قد انار هذه الصفحه بالكلمات العطره
لك تقديري وشكري اخي الفاضل
على النقل الرائع
ونحن بانتضار كل جديد ياتي لنا قلمك المميز
دمت بالف خير اخي الفاضل
تحياتي

اشكركم جميعا اخوتي وتشرفت بردودكم واود ان اوضح حقيقه وهي ان هذه القصائد من قصائدي المنشوره ضمن ديواني (ارض الحضارات) وهي ليست نقل يا اخي العزيز مهند الكربلائي , مع خالص شكري وتقديري .
اخوكم الشاعر الدكتور
علي جواد كاظم البحاثي
http://poetsgate.com/sh3ra.php?action=shpoems&id=1334

[spot_light]

علي جواد...

لا سلكت الاحزان لقلبك دربا

حين ينطق قلمك تصمت دقات القلب وتنصت المشاعر مستسلمه لنغمات احرفك

سأكتفي بالصمت

والصمت أكبر من الكلام

لاحرمنا الله ..

من احتضار حروفك

[دلع البنات]

شكررررررررررررررررررا
على الكلام الجميل
أرق تحية

اشكركم جميعا اخوتي وسادتي , اشكركم لمروركم الجميل ولكم مني الشكر والامتنان

اخوكم الدكتور
علي جواد البحاثي
http://www.poetsgate.com/sh3ra.php?a...hpoems&id=1334