العراقيه

ماكو مثل العراقية

من تمشي بلشارع الكل تاخذ تحية
وشمحلاهة بحلكها من تكلها جنت مريض تكلك سودة علية
تتحملك لو الحجاج تصير وتكلك حبيبي احسبهة علية
كلبهة جبير شوية اكبر من الملوية
ابد ما شالت خشمهة وكالت اني الاميرة ديانا تغسلي رجلية
اذا كالت احبك يعني خلص متحب غيرك بعدبس انت لتلوص ترة هية كلش ابية
تصيرلك حبيبة او صديقة او ام او اخت وتشيلك مثل ماي البصينية
صير انت زين وياها او شوف اذا تلكة مثلهة بهلزمن وفية
اني احب العراقية مو لان اني عراقي بس لان هية بس التفتهم علية
واني شجاني او حبيت اجنبية كل ربع ساعة او تتمقلج علية
ساعة تكلي شو انت ضعيف او ساعى تكلي شو ماعندك شخصية
لج بابة انتي شفهمج شنو اني انت ِ ماتفتهميني انت ِ مو عراقية
عبالج راح احب اجنبية لا عيني لاماريد وحدة تتفيك علية
كل شوية دزلي رسالة تكلي دكلي على الموبايل حتى نحجي شوية
عمو اني اريدن عراقية اني اريد العين شيشة عسلا و اريد الشفة لون الورد وردية
واذا يمة حلوة الاجنبية اواذا تشك شك الاجنبية بس منين اجيبلها دم العراقية
منو بيهن تكلك بية ولا بيك او منو منهن تكلك هاك اشرب الجاي من ادية
ربهن دينهن كالت الهدوم او شوفي البدي هذا حلو علية
وحدتهن تكول قالب ثلج متذوب لو الفين سيليزية
او اذا كالت احبك من البرد يكومن يرجفن ادية
واسمعها بحلك العراقية من تكلك اموت عليك عبالك نيزك وكع من الشمس علية

ماكو مثل العراقية

[حمودي الانباري]

مشكوووووووووووووووووووره على الكلام الحلو

[حسام الرسام العراقي]

كلام احلى من العسل جميل والله مميز الف الف شكر