هدايا العيد
أي شئ في العيد اهدي إليك يا ملاك.......
أهديك
روحي مطرزه ابلور
أهديك
ظحكة هالمدينه الماجهبه النور
أهديك
فرحة ماي لاعب شفة الناعور
أهديك
تغريد البلابل جايدة عصفور
أهديك
نشغة قارب اتلاوه وي سبع بحور
أهديك
طلعة شمس كرهت نومة المختاظ يم السور
اهديك
فزعة طشة الجكليت يوم طهور
أهديك
موعد بين ساعات الدفو وسرب الطيور
أهديك
ريحة هيل وكفت زامطت عود البخور
أهديك
شبكت ظيم من كطرة مطر لرض العطش
أهديك
حب مظموم عن نسمة هوه وبلحظه طش
أهديك
من أجمل مشاعر حب ابد ما بي دغش
أهديك
من صدري دليلي البي غرامك منقش
أهديك
جلمات القصيدة المن تشوفك تندهش
أهديك
طيفي يمر عليك بليل تعبان وكمش
أهديك
ظلعي وبيدك تخليه منجل لو صفه ابالك تحش
اخوكم
الشاعر علي جواد كاظم البحاثي
http://www.poetsgate.com/sh3ra.php?action=shpoems&id=1334
رد مع اقتباس
مشاركة: هدايا العيد
