ماذا علمتك سنوات الغربة ؟؟؟؟؟؟

[سومه]

السلام عليكم


سؤال يطرح نفسه ماذا استفدت من الغربة ؟ وهل كانت نافعة اقصد حصيلة نتيجة الغربة ايجابية ام كانت ردتها عكسية ؟جلبت لك المتاعب والضرر ,
اكيد فيها الايجابى والسلبى وكيف كانت انعكاساتها على النفسية
وبلورتها واندماجها بمجتمع الغربة! ,
بطبيعة الحال قد تعلمت واستفدت نوعا ما من اى حدث واجهك او صادفك , موضوع اجده مهما بقدر سنين الغربة والمعاناة واجده يعمق البحث بشتات الروح ويؤثر بخلق شخصية نوعا متغيرة عن ماهى كانت عليه !!


بالنسبه تعلمت هواي اشياء ومجنت ادري انو الغربه علمتني هالاشياء الا لما سافرت للعراق لاان الصراحه قبل مااسافر ماجنت اعرف شي اسمه غربه لاان طلعت من العراق عمري 10 سنوات يعني كبرت باستراليا بس لما سافرت وحسيت بالحنين لبلدي عرفت شنو الغربه وشنو تعلمت ومن الاشياء الايجابيه الي تعلمتها الاعتماد على النفس وان اكون انسانه متسامحه ومااشيل بقلبي على الناس اي شي وشلون اتعامل ويا هواي ناس ومن جنسيات مختلفه وهالشي خلاني ادخل على هواي اشياء مجنت اعرفها عادات وتقاليد مجتمعات ثانيه هالشي كولش حبيته ولو جنت بالعراق مجنت تعلمته وتعلمت شلون اخلي الغرب ياخذون نظرة حلوه عن الاسلام والعراقيين مو مثل مايتصورن الاغلبيه انو المراه العراقيه مخها مغلق على ثقافتها وعادات بلدها بس لا حاولت قدر الامكان انو اخلي ولو عدد قليل من الناس الي قريبين عليه يعرفون شنو العراقيه واكيد الغربه خلتني احب بلدي واشتاقله بجنون وانشاءالله بعد الغربه نرجع للعراق ونخليه يستفاد من عدنه ونعوضه عن السنوات الي بعدناها عنه طولت عليكم انتظر ردودكم

[بصراوي مشاغب]

شكرا ياسومة على مواضيعك القيمة ياوردة والصراحة الغربة مدرسة لنا تعلمنا منها

عادات وتقاليد وثقافت عدة دول وعلمتنا كيف نعتمد على نفسنا وعلمتنا بان لايوجد

اغلى واعز من الوطن والصراحة هناك امور كثيرة سلبية وايجابية فاانا اكتفي بالقليل

ولك مني ارقى تحية وسلام

[zryan]

. . موضوع متميز جدا حبيتي ويسلمو عليه..

ا لغربه صعبه.بس بالسويد :

1. اكو امان
2. اكو راتب يعيشك حتى لو قليل .
3. الاطفال يرحون لمدرسه وياخذون رواتب من المدرسه ويتغدون بالمدرسه وهذا الشي بالعراق ماموجود .
4. رعايه اجتماعيه .
5. رعايه مسنين .
6. حقوق الانسان .
7. ضرب او اهانه اطفال او طلاب ممنوع ...
8. هاذي الاشياء اكثره ماجنت موجوده بوقت هدام.. .. وانشاءلله يتغير الوضع بالعراق والضرب بالمدراس يمنع نهائيا

واخيرا اخاف طولت عليكم..تحياتي

[سومه]

شكرا بصراوي على تعليقك الجميل وزريان يسلموو حبيبتي على الرد وانشاءالله العراق يصير من احسن البلدان وكلنه نرجع

[الحالمه]

الغالية سومه ...
موضوع جميل جدا , احسنتي على هذا الاختيار الرائع للمواضيع
مما لا شك فيه ان الغربة عكست علينا بأثارها الايجابية والسلبية
وان كانت السلبيات أكثر , لكن كلها تنحدر بفائدة لنا واني اقولك شلون...

الغربة ايجابياتها كثير ة بالنسبة الي ..

اولاً الاعتماد على النفس بكل شي .

التطلع الى ثقافات العالم الغربي وأن كان أغلبها انحطاط في انحطاط
لكن الانسان الذكي , يأخذ الشي المفيد منهم ويتعلمه والباقي يرمي وره ظهره .

الصبــــــر , وهذه نقطة جدا مهمة , لولا الغربة ما عرفنا نذوق طعم الصبر
ولو انه ممل انه نكون نتأمل يوم بعد يوم نشوف بلدنا الحبيب وصابرين على معاناة وظلم الغربة
لكن صار عدنا طبع الصبر ...

تعلمنا نكون وطنيين , بمعنى صار للوطن قيمة في قلوبنا , وحبه بدأ يكبر يوم عن يوم
عرفنا شنو قيمة الوطن وشلون انك تترك بلدك وتعيش في بلد ثاني يختلف اختلاف كامل عن عاداتنا وتقاليدنا .


اما سلبيات الغربة ...

انك تعيش في بلد يفتقر للحياة الاجتماعية , وصلة الود والقرابة
يعني وين احنا متعودين على لمة الاهل والاحباب والاقارب , نتجمع كلنا على صينية وحدة
هذا الشي راح , وحتى الاكل صار ما اله طعم عندنا .

هنا الناس كلها التهت في دنياها , حتى من تتعرفين على ناس
يجي يوم تحسين وحدك غريبة وكل هالدنيا ما تحس بالي في داخلك

سلبياتها انك تضطرين تعاشرين ناس ما تطيقينهم ابداً .
سلبياتها انك تصيرين بمواقف صعبة خاصة من خلال اللغة والبيئة والعادات الي تختلف
تماما عن عاداتنا وتقاليدنا والكل يعرف شنو تقاليد البلاد الاوربية والعنصرية الموجودة
في كل البلدان الغير اسلامية وخاصة اذا كانت الوحدة من عدنا محجبة تواجه الكثير من المواقف الصعبة
وفيه كثير من البنات اعرفهم تركوا الحجاب بسبب عنصرية البلد ونضرتهم الحاقدة للاسلام
بس الواحد يحجي الحق مو كلهم .



وسلبيات كثيرة صدقني من كثرها الواحد بدأ ينسه .

ادري تكلمت كثير بس صدقيني الغربة عبارة عن موت بطئ

ولكم تحياتي

[سومه]

بالعكس عزيزتي الحالمه كفيتي وفيتي بردج عن الغربه واتمنالج الموفقيه
تحياتي لكي

شكرا الى الخت الغالية على هذا الموضوع
او اقول انا الشمس شمسى والعراق عراقى ما غير الدخلاء فى اخلاقى
دمعة على وطنى الحزين وما غيرى غير الدمعة موقف من نامت دموعهم ولا تنام اعين الغرباء
انا صلاح منو العراق من الشملى مركز الحلة محافظة بابل واعيش حاليا بمصر من 12 سنة عشت فى العراق 9 سنوات ويريت مراسلة احد من العراق ويعيش بها حاليا
على البريد الالكترونى التالى
eskandrelzaman@hotmail.com

يسلمو انا بجد بموت في كل شي بينطق باسم العراق