الگلب جندي
تصفن عالسماء وبيهه تتمعن
ما يدرون اشوفك گمر ونجومه
ورسمك طالع انته گبل ليطلعن
حرت شحچي وشسولف والسبب أنته
ماخذ فكري كله وباقي أتصفن
من احچي الحچي ميعبر البيه
اتمنه الدموعي السان الك يحچن
اساهر لصبح متغمض اعيوني
وكارثت العراق اعيوني لو غمظن
تمرني ابطيف اشوفك تشتعل ناري
ولو ما شوفك ابطيف اهواي الي أحسن
أفز فزت طفل مفطوم من امه
وصرخات منو ايسكتهه لو يدون
شافني البلابل حزنن اعليه
ومن اصياحي باسمك عل وجه لطمن
وقمم كل الجبال احزاني هدتهه
ومن گلب السمه التحت الأرض نزلن
مارايد خيال ومريتك بالطيف
تريد اعيوني شوفك گبل لا يعمن؟؟
وك صبر خلص ما اصبر واحمل
ولا عندي گلب يتحمل اتعلعل
ارحمني حبيبي الخاطر العباس
مو هين افراگك يالمحب يكتل
انه طفل ابغرامك وانته يوميتي
واذا يوميتي راحت دنيتي اتعزل
وانه بلبل جريح وعشي احظانك
واذا عشه يضيع اشيسوه هالبلبل
وصح اني سگف بس انته دنگاته
ومن غير الدنگ هذا السگف يهدل
وعله گلبي شسولف بعدك الصاير
نبضاته غلط بيهن صفه اتخلخل
واذا رت السبب ليش الخلل هذا
السبب حبك وباسمك هالگلب يصهل
ويصهل..يصهل..ويصهل
الگلب جندي ابغرامك وانته ملكه
لأن ملكك حبيبي وانته ملكه
يون واعرف ونينه ونته ملكه
الدخل وسطه وگعد غصبً عليه
الشاعر
احسان القريشي
رد مع اقتباس
مشاركة: الگلب جندي
