اسألك ياعراق
ليش انتة جرحك نزف كلة بسبب ناسك
وليش اللي ربوا ما بين هالنهرين
باعوك بيع الرخص شربوا نخب كاسك
عافوك للي اجوا من برة خط الحدود
طعنوك طعنة غدر جرحوك باحساسك
ذلوك يا موطني ولبسوك ثوب احزان
رفعو عليك الحظر بس علنو افلاسك
نفطك صفة مو الك والشعب جوعان
واطفالك اتشردوا محد اجة وباسك
غربت بيك الشمس واشطولة صار الليل
وانة ادري هاي الارض تتضوة باشماسك
ظلموك يا موطني وظلمو سبايا البيك
وصفيت مثل الكطع جفينة عباسك
بس انة عندي امل راجع ترد اردود
وتتعافى من علتك بس بطلة وسواسك
فدوات لاسمك انة من العين حد القاف
وهنيالة يا موطني المن تربتك باسك
ماريد املك قصر بارضك ولا املاك
محتاج منك هوة وليل اغفى بنعاسك
محتاج بيك اندفن وبحظنك انة ارتاح
محتاج حفرة كبر تحبسني بانفاسك
رد مع اقتباس
مشاركة: اسألك ياعراق
