غلطان اليكلك لحظة راح انساك وعمت عينة اليفكر لحظة ويعوفك
اذا بليل اليمرهة الطيف كل اناس انة بظهرية جتني اترفرف اطيوفك
يانسمة اعذيبي ورايج القداح وياوجه الكمر بالظهر ونشوفك
كلت خلي اجرب ما اسولف بيك طلع شريان كلبي يردد احروفك
مو بالجدم جيتك جيتك امشي بايد وبلهفة غريب الناسة ملهوفك
اذا جرحي تصير وبية تنزف حيل اروف اجفون عيني والك ما روفك
كمت تامر علية وكلشي مني اتريد وصرت مارد المحبس لبستة اجفوفك
مثل ام وتخلي بجيب ابنهة افلوس شلتلك روحي كلهة وصرت مصروفك
بعد بس شي اسوي ابني الك ايمام واجيب الناس يمك ندعي ونطوفك
***********************************************
تلفت حيلي عليك وطاح ونشل
وحمل لاجلك جثير اهموم ونشل
حرامي اليوم اصير وياك ونشل
وبوكن حيلك الشحيتة بية
__________________
حبيبي شنهي الجره ويكتلك التفكير
تعال بحظني نام وسولف اهمومك
اخلي الدنيه كله صنطه اتصير
واسكت كلبي خاف ايقلقك بنومك
شكل ابيض كاسر سواد الليل
تتباهه بجمالك والله ما لومك
يطر وكت الصبح بالسبعه عند الناس
وانه عندي الصبح من تنزع اهدومك
منقول