اخاف تجينى المنية ويروح وكتك ياعمر

كعدت اليوم اتذكر دروبى وياك

ومااظن انها فى يوم تواسينى
تزيد من عذابى دوم ...اه ياغلاك
مدرى ويشسوى من يحاجينى
اعيش بوحدتى وغربتى تنخاك
شوكت التقى بيج يابغداد شوكت تحضنينى
اه يالهجرونى وحرمونى سماك
فداك روحى ياحبيبى وعينتينى
ومن شمسك الى جانت تداعب هواك
والكمر بالليل من يضوينى
روحى معلكة بيك وروحى معاك
اه يمتى نلتقى ويخلص ونينى
معلعل الكَلب لا ميريد سواك
والكل يحاول جهده يراضينى
بس الروح تريدك وتسلاك
مااريد احبن غيرك انت تكفينى
اريد ازرع نباتاتى بترابك وبثراك
ومن اموتن يايمة بى تدفنينى
مااريدك تحزن على موتتى والفراك
يزيد شوكى الك ويزيد الك حنينى
اه يامغدور روحى فداك
انت العزيز وتبقى دوم بشرايينى
بعدة النخل عالى مثل علاك؟
والتمر بيه شافى لكل علة فينى!
مشتاقة الك اجى يامحلاك
مااشوف اعز منك على عينى
من يجى على بالى ذكراك
تكول الروح كافى بعد تذكرينى
والوفة يرد ويكول ها تراك
يالعمر بذات ليش ناسينى
يرد العمر ويكول:
اه ه ه ه ه ه ه ياغلاك
من هجرونى الشياطين طفو نظر عينى
شلون تريدنى انساك
يالساكن بعينى بروحى بشرايينى
شوكى حرك حالروح رحماك ربى رحماك
تراها ذابت الروح من نطرة ملكاك
اخاف الموت فد يوم يدك بابى يبينى
ويروح الوكت...دبرينى ياروحى دبرينى ياسنينى